Стадолішча (Гарадоцкі раён)

Стадолішча
Краіна	Беларусь
Вобласць	Віцебская
Раён	Гарадоцкі
Сельсавет	Стадолішчанскі
Каардынаты	55°33′42″ пн. ш. 30°04′28,10″ у. д.HGЯO
Плошча	0,741932 км²
Афіцыйная мова	беларуская, руская
Колькасць двароў	96
Насельніцтва	244 чалавекі (2001)
Часавы пояс	UTC+3
Тэлефонны код	+375 2139
Паштовы індэкс	211552
Аўтамабільны код	2
	Стадолішча на Вікісховішчы

Стадо́лішча^[1] (трансліт.: Stadolišča, руск.: Стодолище) — вёска ў Гарадоцкім раёне Віцебскай вобласці Беларусі. Уваходзіць у склад Стадолішчанскага сельсавета.

Геаграфія

За 12 кіламетраў на паўночны ўсход ад горада Гарадок і чыгуначнай станцыі Гарадок, за 49 кіламетраў ад Віцебска, на аўтамабільнай дарозе Гарадок—Мяжа^[2].

Гісторыя

У канцы XVIII стагоддзя Стадолішча вядома ў Езярышчанскім старостве Гарадоцкага павета Полацкай губерні. У сярэдзіне XIX стагоддзя Стадолішча (Сямёнкі) у Болецкай сельскагаспадарчай грамадзе Гарадоцкага павета Віцебскай губерні. У 1864 годзе — дзяржаўная ўласнасць у маёнтку Болецк. У канцы XIX — пачатку XX стагоддзяў у Болецкай воласці Гарадоцкага павета. З 15 лютага 1923 года Стадолішча ў Гарадоцкай воласці Віцебскага павета. З 20 жніўня 1924 года ў Бяскатаўскім сельсавеце Гарадоцкага раёна (Віцебская акруга). У 1925 годзе ў Стадолішчы працавалі шавецкая, кравецкая і шапавальная (выраб валёнак) саматужныя майстэрні. З 1972 года Стадолішча становіцца цэнтрам саўгаса «Смалоўка» (сучаснае КУСГП^[3] «Смалоўка»)^[4]. З 26 сакавіка 1973 года^[5] па чэрвень 2009 года вёска — цэнтр Стадолішчанскага сельсавета.

Насельніцтва

16 рэвізскіх душ (1795)^[6]
15 жыхароў, 3 двары (1846)^[6]
54 жыхары, 10 двароў (1905)^[6]
39 жыхароў, 9 двароў (1925)^[6]
66 жыхароў (1959)^[6]
228 жыхароў (1970)^[6]
244 жыхароў, 96 двароў (2001)^[2]
227 жыхароў, 93 двары (на 1 студзеня 2002 г.)^[6]

Інфраструктура

Сярэдняя школа
Клуб
Бібліятэка
Аддзяленне сувязі
Фельчарска-акушэрскі пункт

Памятныя мясціны

Помнік 127 землякам, якія загінулі ў Вялікую Айчынную вайну.

Зноскі

↑ Назвы населеных пунктаў Рэспублікі Беларусь: Віцебская вобласць: нарматыўны даведнік / У. М. Генкін, І. Л. Капылоў, В. П. Лемцюгова; пад рэд. В. П. Лемцюговай. — Мн.: Тэхналогія, 2009. — 668 с. ISBN 978-985-458-192-7 (DJVU).
↑ ^а ^б БелЭн 2002.
↑ Камунальнае унітарнае сельскагаспадарчае прадпрыемства
↑ Сайт «Фондовый каталог государственных архивов Республики Беларусь» (руск.)
↑ Рашэнне выканаўчага камітэта Віцебскага абласнога Савета дэпутатаў працоўных ад 26 сакавіка 1973 г. // Збор законаў, указаў Прэзідыума Вярхоўнага Савета Беларускай ССР, пастаноў і распараджэнняў Савета Міністраў Беларускай ССР. — 1973, № 12 (1386).
↑ ^а ^б ^в ^г ^д ^е ^ё Памяць: Гарадоцкі р-н: Гіст.-дак. хронікі гарадоў і раёнаў Беларусі / Укл. С. І. Садоўская: Рэд. кал. Н. А. Бурунова і інш.; Маст. Э. Э. Жакевіч. — Мн.: Беларусь, 2004. — С. 873—874. — 894 с. — 2 500 экз. — ISBN 985-01-0546-1.

Літаратура

Стадолішча / 128 // Беларуская энцыклапедыя: У 18 т. Т. 15: Следавікі — Трыо / Рэдкал.: Г. П. Пашкоў і інш. — Мн. : БелЭн, 2002. — Т. 15. — 552 с. — 10 000 экз. — ISBN 985-11-0035-8. — ISBN 985-11-0251-2 (т. 15).
Памяць: Гарадоцкі р-н: Гіст.-дак. хронікі гарадоў і раёнаў Беларусі / Укл. С. І. Садоўская: Рэд. кал. Н. А. Бурунова і інш.; Маст. Э. Э. Жакевіч. — Мн.: Беларусь, 2004. — С. 873—874. — 894 с. — 2 500 экз. — ISBN 985-01-0546-1.