Старобінскі торфабрыкетны завод

ААТ «Старобінскі торфабрыкетны завод»
Тып	прадпрыемства
Заснаванне	7 ліпеня 1977
Краіна	Беларусь
Размяшчэнне	Беларусь, Мінская вобласць, Салігорскі раён, гарадскі пасёлак Старобін
Адрас	Старобін
Ключавыя постаці	Ілля Аляксандравіч Мурашко (дырэктар)
Галіна	паліўна-энергетычны комплекс
Прадукцыя	паліўныя брыкеты[d] і торф
Матчына кампанія	Дзяржаўнае вытворчае аб'яднанне па паліву і газіфікацыі «Белпалівагаз»
Сайт	stbz.by

Старо́бінскі торфабрыке́тны заво́д^[1] — прамысловае прадпрыемства паліўна-энергетычнага комплексу Беларусі ў гарадскім пасёлку Старобін Салігорскім раёне Мінскай вобласці, адкрытае акцыянернае таварыства. Найбуйнейшае прадпрыемства ў Еўропе па здабычы торфу і вытворчасці паліўных брыкетаў^[2]. Уваходзіць у склад Дзяржаўнага вытворчага аб’яднання па паліву і газіфікацыі «Белпалівагаз» Міністэрства энергетыкі Рэспублікі Беларусь.

У 1968 годзе была створана дырэкцыя завода^[3]. Будаўніцтва прадпрыемства пачалося ў 1972 годзе. Першая прадукцыя была выдадзенв 7 ліпеня 1977 года. Гэтая дата лічыцца днём заснавання Старобінскага торфабрыкетнага завода^[3]. Вытворчая магутнасць за год складала 160 тыс. тон брыкету^[1]. У 2001 годзе вытворчая магутнасць завода складала 130 тыс. тон брыкету, здабывалася 240 тыс. тон торфу^[1].

Старобінскі торфабрыкетны завод выпускае драўняныя і тарфяныя паліўныя брыкеты, торф для кампостаў. Прадукцыя пастаўляецца ў Расію, Польшчу, Украіну, Швецыю. Асноўным пакупніком з’яўляецца холдынг «Беларуская цэментная кампанія» (ААТ «Беларускі цэментны завод», у горадзе Касцюковічы, ААТ «Крычаўцэментнашыфер», у горадзе Крычаў)^[3].

• Старо́бінскі торфабрыке́тны заво́д // Беларуская энцыклапедыя: У 18 т. Т. 15: Следавікі — Трыо / Рэдкал.: Г. П. Пашкоў і інш. — Мн. : БелЭн, 2002. — Т. 15. — С. 162. — 10 000 экз. — ISBN 985-11-0035-8. — ISBN 985-11-0251-2 (т. 15).

• Афіцыйны сайт ААТ «Старобінскі торфабрыкетны завод» (бел.) (руск.)
• ПРУП «Старобинский торфобрикетный завод»/ Тепло и свет (руск.) // СБ. Беларусь сегодня, 13 лютага 2008 года.
• Дзяржаўнае вытворчае аб’яднанне « Белпалівагаз» (бел.) (руск.)
• Открытое акционерное общество «Старобинский торфобрикетный завод» на партале Export.by (руск.) (англ.) // Нацыянальны цэнтр маркетынгу і кан’юнктуры цэн