Паліўна-энергетычны комплекс Беларусі

У ПЭК Беларусі вылучаюць паліўную прамысловасць (нафтавую, газавую, тарфяную) і электраэнергічную прамысловасць. ПЭК мае развітую прамысловую інфраструктуру, уключаючы сетку нафтаправодаў і газаправодаў, у тым ліку магістральных, а таксама высокавольтныя лініі электраперадач.

Кіраванне развіццём паліўна-энергетычнага комплекса ажыццяўляюць Міністэрства энергетыкі Рэспублікі Беларусь (ВА «Белтопгаз», ВА «Белэнерга», ААТ «Белтрансгаз»), канцэрн «Белнафтахім» і іншыя дзяржаўныя арганізацыі.

У ПЭК краіны адбываюцца істотныя структурныя зрухі, адлюстроўваючы не толькі ступень выкарыстоўвання тых ці іншых энерганосьбітаў, але і навукова-тэхнічныя, сацыяльныя, арганізацыйныя і вытворчыя зрухі ў нацыянальнай эканоміцы.

Паказчык	1990 г.	1995 г.	2000 г.	2004 г.
Аб’ём вытворчасці па ПЭК — усяго,%	100,0	100,0	100,0	100,0
У тым ліку:
электраэнергетыка	36,7	76,0	30,4	27,3
паліўная прамысловасць	63,3	24,0	69,6	72,7

Структура валавой прадукцыі ПЭК Беларусі.^[1]

Індустрыяльнае развіццё Беларусі перш за ўсё сказалася на павышенні удзельнай вагі галін, забяспечваючых пераўтварэнне асобных відаў паліва і энергіі, што вядзе да памяншэння дзелі прамога спальвання паліва. Паглыбленне электрафікацыі ў ва ўсіх сферах эканомікі, рацыяналізацыя электрычнай гаспадаркі вызначылі павышенне удзельнай вагі электраэнергетычнай прамысловасці ў валавай прадукцыі ПЭК у 1990—1995 гг. Дамініруючымі галінамі ПЭК у перспектыве па ранейшаму застануцца электраэнергетыка і нафтаперапрацоўчая прамысловасці.