Сухопаль

Сухопаль
Краіна	Беларусь
Вобласць	Брэсцкая
Раён	Пружанскі
Сельсавет	Сухопальскі
Каардынаты	52°39′31″ пн. ш. 24°10′23″ у. д.HGЯO
Насельніцтва	▼393 чал. (2009);
Часавы пояс	UTC+3
Тэлефонны код	+375 1632
Паштовыя індэксы	225161
Аўтамабільны код	1
	Сухопаль на Вікісховішчы

Сухо́паль^[1] (трансліт.: Suchopaĺ, руск.: Сухополь) — аграгарадок^[2] у Пружанскім раёне Брэсцкай вобласці Беларусі. Адміністрацыйны цэнтр Сухопальскага сельсавета.

Геаграфія

Знаходзіцца за 31 км у напрамку на паўночны захад ад горада Пружаны за 120 км ад Брэста, за 45 км ад чыгуначнай станцыі Аранчыцы^[3]^[4].

Гісторыя

Вядома з 1680 (з 1641^[5]) года як вёска, дзяржаўная ўласнасць у Берасцейкім павеце Вялікага Княства Літоўскага. Жыхары вёскі прымалі ўдзел у падрыхтоўцы каралеўскіх паляванняў у Белавежскай пушчы. У 1759 годзе ў вёсцы 86 жыхароў, 21 двор^[4]. З 1795 года Сухопаль у складзе Расійскай імперыі. Вёска разам з іншымі была падаравана імператрыцай Кацярынай II палкаводцу П. А. Румянцаву-Задунайскаму^[4]. З 1801 года вёска цэнтр воласці ў Пружанскім павеце Гродзенскай губерні. У 1905 годзе ў Сухопалі адбыліся сялянскія хвалаванні на чале з Д. Гваем^[4]. З 1921 года вёска ў складзе Польскай Рэспублікі, з 1925 года — цэнтр гміны Пружанскага павета Палескага ваяводства. Дзейнічалі падпольныя арганізацыі КПЗБ і КСМЗБ, гурткі Таварыства беларускай школы і Беларускай сялянска-работніцкай грамады^[4]. Жыхары вёскі ўдзельнічалі ў Белавежскай забастоўцы рабочых лесараспрацовак 1932—1933 гадоў^[4].

З 1939 года Сухопаль у складзе Беларускай СССР, з 12 кастрычніка 1940 года — цэнтр сельсавета Шарашоўскага раёна, з 1956 года — Пружанскага раёна Брэсцкай вобласці. У час Вялікай Айчыннай вайны захопнікі загубілі ў вёсцы і сельсавеце 305 чалавек.

Насельніцтва

1759 год — 86 жыхароў, 21 двор^[4].
1921 год — 185 жыхароў^[6].
2000 год — 454 жыхары, 180 двароў^[4].
2002 год — 425 жыхароў, 169 двароў^[3].

Інфраструктура

Аграгарадок з’яўляецца цэнтрам ААТ «Жураўлінае». Дзейнічаюць амдбулаторыя, сярэдняя школа, сельскі клуб-бібліятэка.

Помнікі гісторыі і культуры

Свята-Крыжаўзвіжанская царква (1903) — Гісторыка-культурная каштоўнасць Беларусі, шыфр 113Г000652шыфр 113Г000652
Брацкая магіла савецкіх воінаў. У 1965 годзе на магіле ўстаноўлены помнік. Побач мемарыяльны комплекс.

Вядомыя ўраджэнцы

Анатоль Канстанцінавіч Ліневіч (нар. 1968) — беларускі дзяржаўны дзеяч.

Зноскі

↑ Назвы населеных пунктаў Рэспублікі Беларусь: Брэсцкая вобласць: нарматыўны даведнік / І. А. Гапоненка і інш.; пад рэд. В. П. Лемцюговай. — Мн.: Тэхналогія, 2010.— 318 с. ISBN 978-985-458-198-9. (DJVU)
↑ Решение Пружанского районного Совета депутатов от 5 марта 2009 года № 117 "О преобразовании населенных пунктов Пружанского района в агрогородки" (нявызн.).
↑ ^а ^б БелЭн 2002.
↑ ^а ^б ^в ^г ^д ^е ^ё ^ж ЭГБ 2001.
↑ Краязнаўства Берасцейшыны
↑ Skorowidz miejscowości Rzeczypospolitej Polskiej: opracowany na podstawie wyników pierwszego powszechnego spisu ludności z dn. 30 września 1921 r. i innych źródeł urzędowych., t. T. 5, województwo białostockie, 1924, s. 9.

Літаратура

Клімец М. П. Сухопаль // Беларуская энцыклапедыя: У 18 т. Т. 15: Следавікі — Трыо / Рэдкал.: Г. П. Пашкоў і інш. — Мн. : БелЭн, 2002. — Т. 15. — С. 298. — 10 000 экз. — ISBN 985-11-0035-8. — ISBN 985-11-0251-2 (т. 15).
Клімец М. Сухопаль // Энцыклапедыя гісторыі Беларусі. У 6 т. Т. 6. Кн. 1: Пузыны — Усая / Рэдкал.: Г. П. Пашкоў (галоўны рэд.) і інш.; Маст. Э. Э. Жакевіч. — Мн. : БелЭн, 2001. — С. 452. — 10 000 экз. — ISBN 985-11-0214-8.