Сціна Вірсэн

Сціна Вірсэн
Сціна Вірсэн
	шведск.: Stina Wirsén Hedengren
Род дзейнасці	ілюстратарка
Дата нараджэння	5 чэрвеня 1968 (57 гадоў)
Месца нараджэння	Стакгольм, Стакгольм[d], лен Стакгольм, Швецыя;
Грамадзянства	Швецыя
Маці	Carin Wirsén[d]
Муж	Pompe Hedengren[d]
	Медыяфайлы на Вікісховішчы

Cціна Вірсэн (шведск.: Stina Wirsén Hedengren; 5 чэрвеня 1968, Стакгольм) — шведская мастачка, графік, ілюстратар і пісьменніца.

Біяграфія

У 1992 годзе скончыла каледж мастацтваў, рамёстваў і дызайну. Працавала прафесійным ілюстратарам^[4].

З'яўляецца галоўным мастаком найбуйнейшай шведскай газеты «Dagens Nyheter».

З 2000 года праводзіць лекцыі і семінары на міжнародным узроўні.

Творчасць

Зараз Сціна Вірсэн з'яўляецца адной з самых вядомых мастачак-ілюстратараў Швецыі^[5]. Напісала і праілюстравала шэраг дзіцячых кніг, аўтар анімацыйных фільмаў, займаецца стварэннем розных модных брэндаў, рэклам для ўнівермагаў і рэстаранаў, газет і часопісаў, рэкламных кампаній.

Працавала з дзецьмі ў розных краінах і гарадах свету, напрыклад, у Абу-Дабі, Токіа, Балонні, Умеа, Стакгольме і іншых.

Яе малюнкі, драматычныя і ў той жа час пацешныя, у дакладнасці адлюстроўваюць атмасферу кніг і настрой герояў^[6].

Сярод работ Вірсэн:

Стварэнне серыі з 8 паштовых марак для пошты Швецыі, якія паказваюць вырабы розных шведскіх мадэльераў^[4];
Стварэнне серыі графічных ілюстрацый для ААН, прысвечанай правам чалавека;

Серыя была выстаўленая ў штаб-кватэры ААН у Нью-Ёрку да 50-гадовага юбілею двух міжнародных пактаў аб правах чалавека.

Ілюстрацыя Google Doodle, апублікаваная на галоўнай старонцы Google ва ўсім свеце ў Нацыянальны Дзень Швецыі ў 2015 годзе.

Вірсэн паказвала свае працы на выставах у Нацыянальным музеі Швецыі ў Стакгольме, у Мастацкім музеі касцюма Свена Гарыса (Стакгольм), цэнтры мастацтва (Гоа, Індыя), шведскім музеі танца (Dansmuseet), у пасольстве Швецыі ў Токіо і ў Konstnärshuset (Стакгольм).