Сінтра

Муніцыпалітэт Сінтра парт.: Sintra Герб Сцяг Нацыянальны палац Сінтры Краіна  Партугалія Гістарычная вобласць Эштрэмадура Акруга Лісабон Муніцыпалітэт Сінтра Каардынаты 38°47′50,50″ пн. ш. 9°23′25,50″ з. д.HGЯO Унутранае дзяленне 20 раёнаў Мэр Фернанду Сеара Муніцыпалітэт з 1154 Плошча 316,749 км² Вышыня цэнтра 193 м[1] Насельніцтва 363 749 чалавек (2001) Шчыльнасць 1148 чал./км² Этнахаронім Sintrense Часавы пояс UTC0, летам UTC+1 Тэлефонны код 219 Паштовы індэкс 0 Афіцыйны сайт cm-sintra.pt (парт.) Сінтра на карце Партугаліі

Медыяфайлы на Вікісховішчы

Сі́нтра (парт.: Sintra; ['sĩtɾɐ]) — горад у Партугаліі, цэнтр аднайменнага муніцыпалітэта ў складзе акругі Лісабон. Колькасць насельніцтва — 27 тыс. жыхароў (горад), 363,7 тыс. жыхароў (муніцыпалітэт). Горад уваходзіць у Лісабонскі рэгіён, у субрэгіён Вялікі Лісабон. Уваходзіць у агламерацыю Вялікі Лісабон. Па старым адміністрацыйным падзеле ўваходзіў у правінцыю Эштрэмадура.

Горад размешчаны за 23 км паўночны захад ад горада Лісабона. За 18 км ад горада знаходзіцца мыс Рока — самы заходні пункт Еўраазіяцкага кантынента.

Муніцыпалітэт мяжуе:

• на поўначы — муніцыпалітэт Мафра
• на ўсходзе — муніцыпалітэты Лорэш і Адывелаш
• на паўднёвым усходзе — муніцыпалітэт Амадора
• на поўдні — муніцыпалітэты Аейраш і Кашкайш
• на захадзе — Атлантычны акіян

Горад заснаваны ў 1154 годзе. Да гэтага на гэтым месцы знаходзілася аднайменная крэпасць.

Сінтра і наваколлі з'яўляюцца аб'ектам Сусветнай спадчыны ЮНЕСКА з-за шматлікіх славутасцяў, якія знаходзяцца на тэрыторыі раёна.

У самым горадзе размешчаны Нацыянальны палац Сінтры, а ў прылеглай горна-лесапаркавай зоне (Serra de Sintra) — палац Пена і паўразбураны Замак маўраў.

Непадалёк ад горада размешчаны вытанчаны Палац Мансерат і Кляштар капуцынаў.

Стары маўрытанскі горад з крэпасцю, якую ўзяў кароль Афонсу I у 1147 г., ужо ў Сярэднявеччы служыў летняй рэзідэнцыяй партугальскіх каралёў. У Сінтры знаходзіцца знакамітае памесце Кінта да Рэгалейра, на тэрыторыі якога знаходзіцца Палац Рэгалейра і прыгожы парк, які таксама ўвайшоў у спіс Сусветнай спадчыны ЮНЕСКА.

Ад Сінтры да мора пракладзена трамвайная лінія, якая адначасова з'яўляецца «жывым» музеем, бо на ёй ходзяць старадаўнія трамваі, пабудаваныя больш ста гадоў назад.

• 
  Палац Сінтра
• 
  Замак маўраў, Сінтра
• 
  Сцяг над замкам
• 
  Палац Пена
• 
  Кляштар Капуцынаў

Сусветная спадчына ЮНЕСКА, аб’ект № 723 рус. • англ. • фр.

• Афіцыйны сайт муніцыпалітэта Архівавана 7 жніўня 2011.

1. ↑ ^{а б} https://it-ch.topographic-map.com/map-dzk93l/Sintra/?zoom=19&center=38.79896%2C-9.38804&popup=38.79906%2C-9.3881
2. ↑ ^{а б} https://www4.honolulu.gov/docushare/dsweb/Get/Document-114388/98-205.pdf
3. ↑ https://www.fontainebleau.fr/seduisante/une-ville-jumelee-514.html