Тамашоўка

Аграгарадок Тамашоўка Краіна Беларусь Вобласць Брэсцкая Раён Брэсцкі Сельсавет Тамашоўскі Каардынаты 51°33′20″ пн. ш. 23°36′11″ у. д.HGЯO Насельніцтва ▲1 235 чал. (2019)[1] Часавы пояс UTC+3 Тэлефонны код +375 162 Паштовыя індэксы 225025 Аўтамабільны код 1 СААТА 1212843071 Тамашоўка на карце Беларусі ±

Тамашоўка на Вікісховішчы

Тамашо́ўка^[2] (трансліт.: Tamašoŭka, руск.: Томашовка) — аграгарадок^[3][4] у Брэсцкім раёне Брэсцкай вобласці. Адміністрацыйны цэнтр Тамашоўскага сельсавета. Размешчана за 69 км на поўдзень ад Брэста, за 1 кіламетр ад чыгуначнай станцыі Уладава, на захадзе — рака Заходні Буг і дзяржаўная граніца з Польшчай, аўтадарогай звязана з Брэстам. Цэнтр Тамашоўскага сельсавета.

Цэнтр адкрытага акцыянернага таварыства «Камароўка».

У XIX стагоддзі назву Тамашоўка мелі фальварак і пасёлак у Прыбараўскай воласці Брэсцкага павета Гродзенскай губерні. У 1876 годзе ў фальварку было 2 двары, 29 жыхароў, у пасёлку 1 двор, 32 жыхары.

У Першую сусветную вайну ў 1915—1916 гадах тут адбыліся баі паміж расійскім і германскім войскамі, у час якіх загінулі 1346 салдат з абодвух бакоў. Паводле Рыжскага мірнага дагавора 1921 года ў складзе Польскай Рэспублікі, у Прыбараўскай гміне Брэсцкага павета Палескага ваяводства. Станам на 30 верасня 1921 года ў вёсцы было лясніцтва.

З 1939 года ў складзе БССР. У Вялікую Айчынную вайну летам 1942 года гітлераўцы стварылі Тамашоўскае гета, у якім утрымлівалі 2 тыс. чалавек. У канцы ліпеня 1942 года праведзена масавае знішчэнне вязняў гета. За гады вайны акупанты спалілі 129 двароў, знішчылі больш за 2000 жыхароў.

У чэрвені 1949 года арганізаваны калгас імя Дзяржынскага ў в. Прыбарава, у які ўключана Тамашоўка.

31 снежня 2011 года ў ваколіцах вёсак Тамашоўка і Селяхі Брэсцкага раёна зафіксаваны першы выпадак з’яўлення ў Беларусі шакалаў.

• 3 двары, 18 жыхароў (1921)
• 411 двароў, 4150 жыхароў (1940)
• 756 жыхароў (1959)
• 898 жыхароў (1970)
• 376 гаспадарак, 1287 жыхароў (1997)
• 404 двары, 1231 жыхар (2002)^[5]
• 379 гаспадарак, 1330 жыхароў (2005)

• Санаторый «Елачка»
• Сярэдняя школа
• Дом культуры
• Бібліятэка
• Амбулаторыя
• Аптэка
• Аддзяленне сувязі

• Свята-Пакроўская царква
• Могілкі салдат Першай сусветнай вайны
• Магіла ахвяр нацызму
• У сярэдняй школе, дзе вучыўся двойчы Герой Савецкага Саюза Пётр Ільіч Клімук, створаны музей касманаўтыкі

• Тамашо́ўка // Беларуская энцыклапедыя: У 18 т. Т. 15: Следавікі — Трыо / Рэдкал.: Г. П. Пашкоў і інш. — Мн. : БелЭн, 2002. — Т. 15. — С. 412. — 10 000 экз. — ISBN 985-11-0035-8. — ISBN 985-11-0251-2 (т. 15).
• Гарады і вёскі Беларусі: Энцыклапедыя ў 15 тамах. Т. 3, кн. 1. Брэсцкая вобласць / пад навук. рэд. А. І. Лакоткі. — Мн.: БелЭн, 2006. ISBN 985-11-0373-X.

• На Вікісховішчы ёсць медыяфайлы па тэме Тамашоўка
• Тамашоўка на сайце Radzima.org
• Тамашоўка на сайце Глобус Беларусі (руск.)