Таццяна Нядбай

Таццяна Нядбай
Асабістыя звесткі
Дата нараджэння	3 кастрычніка 1982(1982-10-03) (42 гады)
Месца нараджэння	Полацк, Віцебская вобласць, БССР, СССР
Грамадзянства	Беларусь
Альма-матар	філалагічны факультэт БДУ
Прафесійная дзейнасць
Род дзейнасці	перакладчыца
Мова твораў	беларуская
Грамадская дзейнасць
Член у	Саюз беларускіх пісьменнікаў Беларускі ПЭН
Прэміі	Дэбют (2015)
Медыяфайлы на Вікісховішчы

Таццяна Нядба́й (сапр. Таццяна Леанідаўна Нятба́ева, нар. 3 кастрычніка 1982, Полацк) — беларуская паэтэса, перакладчыца.

Скончыла філалагічны факультэт БДУ, магістратуру ЕГУ (2006) і аспірантуру універсітэта UMCS у Любліне, дзе абараніла дысертацыю па гісторыі беларускай літаратуры. Жыла і працавала ў Варшаве, зараз жыве ў Мінску.

З'яўлялася старшынёй польска – беларускага Фонду Адкрытая культура^[1].

З 5 лістапада 2017 года па 26 кастрычніка 2019 года ўзначальвала Беларускі ПЭН-цэнтр. Менавіта ў час кіраўніцтва Т. Нядбай з арганізацыі былі выключаны Глеб Лабадзенка, Павел Севярынец ^[2], услед за імі з Беларускага ПЭН-цэнтра выйшаў Андрэй Дынько^[3].

• Сірэны спяваюць джаз (2014), 48 с.

• Томпсан, Э. М. Песняры імперыі: Руская літаратура і каланіялізм: пераклад з англійскай / пер. Нядбай (Нетбаева) Т. Л. — Мн .: Медысонт, 2009. — 381 с. — 500 экз. — ISBN 978-985-6887-53-9.
• Анна Бужыньска, Міхал Павел Маркоўскі. Тэорыі літаратуры ХХ ст: пераклад з польскай / пер. Нядбай (Нетбаева) Т.Л.

• Лаўрэатка конкурсу Беларускага ПЭН-цэнтра да 75-годдзя У. С. Караткевіча (2005)^[4]
• Лаўрэатка Літаратурнай прэміяй «Дэбют» імя Максіма Багдановіча ў галіне паэзіі (2015)^[5] за першую кнігу паэзіі «Сірэны спяваюць джаз».

21 сакавіка 2006 арыштаваная^[6] за ўдзел у намётавым гарадку, асуджаная на 5 сутак арышту па ч.1 арт.167-1^[7][8].

• Таццяна Нядбай. Верш «Я серая мыш» Архівавана 25 кастрычніка 2019.