Тэлазія гулоза

	Тэлазія гулоза
Навуковая класіфікацыя
Дамен:	Эўкарыёты
Царства:	Жывёлы
Падцарства:	Эўметазоі
Без рангу:	Двухбакова-сіметрычныя
Без рангу:	Першаснаротыя
Без рангу:	Ecdysozoa
Без рангу:	Nematoida
Тып:	Круглыя чэрві
Клас:	Secernentea
Падклас:	Spiruria
Атрад:	Spirurida
Надсямейства:	Thelazioidea
Сямейства:	Тэлазііды
Род:	Thelazia
Від:	Тэлазія гулоза
Міжнародная навуковая назва
	Thelazia gulosa Railliet & Henry, 1910
NCBI	150476

Тэлазія гулоза (Thelazia gulosa) — від паразітычных круглых чарвей сямейства тэлазііды (Thelaziidae).

Распаўсюджанне

Тэлазія гулоза распаўсюджаная ў Азіі, Еўропе і Паўночнай Амерыцы.

Апісанне

Кутыкула з невялікімі папярочнымі разорамі. Самцы даўжынёй 5,3 — 9,1 мм, а самкі 5 — 16,2 мм. У самцоў на бруху 33 даклакальных і 3 пары пастклакальных сасочкаў. Самкі маюць кароткі востры адростак з двума сасочкамі ў аснове хваста, а вульва знаходзіцца наперадзе цела. Лічынкі даўжынёй з яйцавай абалонкай, маюць шарападобны чэхлік на хваставым канцы^[1].

Жыццёвы цыкл

Даўжыня лічынак — 0,259 мм. Прамежкавыя гаспадары мухі Musca autumnalis у Еўропе і Паўночнай Амерыцы, Musca larvipara ва Украіне, Musca vitripennis у Крыме і Musca amica на Далёкім Усходзе. Мухі заносяць лічынак у вочы кароў (Bos taurus taurus) і якаў (Bos grunniens), дзе развіваюцца дарослыя гельмінты. З дзікіх жывёл адзначаны ў зуброў (Bison bonasus)^[2].

Заражэнні чалавека

Зрэдку можа заражацца і чалавек. Дарослыя асобіны, як правіла, знаходзяцца ў павеках, слёзных залозах, слёзных пратоках або так званых «трэціх павеках». Масавае заражэнне выклікае хваробу тэлазіёз.