Уладзімір Антонавіч Тамашэвіч

Уладзімір Антонавіч Тамашэвіч
рэктар БДУ 1 снежня 1946 — люты 1949
Папярэднік	Парфён Пятровіч Савіцкі
Пераемнік	Іван Савіч Чымбург
Нараджэнне	22 лютага 1899(1899-02-22) Мінск, Мінскі павет, Мінская губерня, Расійская імперыя
Смерць	8 кастрычніка 1983(1983-10-08) (84 гады) Мінск, БССР, СССР
Месца пахавання	Усходнія могілкі
Адукацыя	Камуністычны ўніверсітэт імя Я. М. Свярдлова[d] (1921)
Навуковая ступень	кандыдат эканамічных навук
Навуковае званне	дацэнт
Дзейнасць	палітычная эканомія[d] і эканоміка
Месца працы	БДУ Гомельскі гарадскі камітэт КПБ[d] Усерасійскі завочны фінансава-эканамічны інстытут[d] Маскоўскі інстытут інжынераў транспарту[d] Мінскі абласны камітэт КПБ Мінскі дзяржаўны педагагічны інстытут імя Максіма Горкага
Бітвы	Вялікая Айчынная вайна
Узнагароды

Уладзімір Антонавіч Тамашэ́віч^[1] (22 лютага 1899, Мінск — 8 кастрычніка 1983) — беларускі савецкі эканаміст. Кандыдат эканамічных навук (1953). Рэктар Беларускага дзяржаўнага ўніверсітэта з 1946 па 1949 год.

Нарадзіўся 22 лютага 1899 года ў Мінску ў рабочай сям’і. З пятнаццаці гадоў працаваў наборшчыкам у друкарні Лібава-Роменскай чыгункі. У 1918 годзе ўступіў у Чырвоную Армію.

У 1921 годзе быў накіраваны ў Камуністычны ўніверсітэт імя Я. М. Свярдлова ў Маскве, які скончыў у 1924 годзе па спецыяльнасці «Адміністрацыйнае права». Да 1928 года працаваў прапагандыстам.

З 1929 па 1932 год працаваў намеснікам рэктара па навучальнай частцы і загадчыкам кафедры савецкай эканомікі Беларускага дзяржаўнага ўніверсітэта. У 1933—1934 гадах працаваў намеснікам начальніка аддзела прапаганды і агітацыі Гомельскага гаркама УКП(б) Беларусі. У 1938—1941 гадах працаваў загадчыкам кафедры палітычнай эканоміі Усесаюзнага завочнага фінансава-эканамічнага інстытута (Масква). Дацэнт з 1939 года.

У 1941—1942 гадах знаходзіўся на фронце, у 1942 годзе быў паранены, лячыўся ў шпіталі.^[2]

У 1942—1944 гадах працаваў дацэнтам кафедры палітэканоміі Маскоўскага інстытута інжынераў транспарту, з 1944 па 1946 год быў сакратаром Мінскага абкама КП(б) Беларусі, а таксама загадчыкам кафедры палітэканоміі Мінскага педагагічнага інстытута.

З 1 снежня 1946 да лютага 1949 года працаваў рэктарам Беларускага дзяржаўнага ўніверсітэта, з 1948 па 1965 год — загадчыкам кафедры палітэканоміі. Тамашэвіч стаў першым рэктарам БДУ паходжаннем з горада, а не з вёскі. Спрыяў таму, што БДУ атрымаў права абароны кандыдацкіх дысертацыі па палітэканоміі.

У 1949—1950 гадах быў сакратаром ЦК КП(б) Беларусі. У 1953 годзе абараніў кандыдацкую дысертацыю на тэму «Сацыялістычная індустрыялізацыя БССР». З 1954 па 1956 год праходзіў дактарантуру ў Маскве. У 1965 годзе сышоў у адстаўку і да пенсіі (1974) працаваў дацэнтам кафедры палітэканоміі БДУ.

Пахаваны на Усходніх могілках Мінска.

Даследаваў працэс індустрыялізацыі народнай гаспадаркі Беларусі. Апублікаваў каля 30 навуковых артыкулаў, падрыхтаваў 10 кандыдатаў эканамічных навук.

• Ордэн Леніна

• О некоторых вопросах экономики Белоруссии в дореволюционный период // Учёные записки БГУ. Мн., 1957.
• Социалистическая индустриализация в БССР в период первой пятилетки // Сборник статей по политической экономии. Мн., 1957.
• Народное хозяйство БССР (1920—1927) // Сборник статей по экономическим вопросам. Мн., 1962.
• Социально-экономические результаты социалистических преобразований экономики БССР (1928—1937) // Об экономических проблемах перехода от социализма к коммунизму. Мн., 1961.

• Тамашэ́віч Уладзімір Антонавіч // Беларуская энцыклапедыя: У 18 т. Т. 15: Следавікі — Трыо / Рэдкал.: Г. П. Пашкоў і інш. — Мн. : БелЭн, 2002. — Т. 15. — С. 413. — 10 000 экз. — ISBN 985-11-0035-8. — ISBN 985-11-0251-2 (т. 15).
• Бараноўскі Яўген. Тамашэ́віч Уладзімір Антонавіч // Энцыклапедыя гісторыі Беларусі. У 6 т. Т. 6. Кн. 1: Пузыны — Усая / Рэдкал.: Г. П. Пашкоў (галоўны рэд.) і інш.; Маст. Э. Э. Жакевіч. — Мн. : БелЭн, 2001. — С. 499. — 10 000 экз. — ISBN 985-11-0214-8.

• Уладзімір Антонавіч Тамашэвіч // Гісторыя БДУ