Уладзімір Пятровіч Савіч

Уладзімір Пятровіч Савіч
Уладзімір Пятровіч Савіч
Дата нараджэння	16 красавіка 1952 (73 гады)
Месца нараджэння	Акцябр, Акцябрскі сельсавет, Плешчаніцкі раён, Мінская вобласць, БССР, СССР;
Грамадзянства	Беларусь
Род дзейнасці	мастак, экслібрысіст
Месца працы	Беларуская дзяржаўная акадэмія мастацтваў;
Жанр	станковая і кніжная графіка
Вучоба	Гімназія-каледж мастацтваў імя І. В. Ахрэмчыка (1970-я); Беларускі дзяржаўны тэатральна-мастацкі інстытут (1976);
Вядомыя працы	«А зязюля кукавала», «Асенні матыў», «Драўляная скульптура», «Паклон», «Памяць сівых курганоў», «Старая дарога. Зіма», «Шэсце»
Уплыў на	Рыгор Сітніца
Прэміі
Узнагароды	;
	Медыяфайлы на Вікісховішчы

Біяграфія

Скончыў у сярэднюю школу № 2 горада Дзяржынска (Мінская вобласць). Скончыў Рэспубліканскую школу-інтэрнат па выяўленчым мастацтве. У 1976 годзе закончыў Беларускі дзяржаўны тэатральна-мастацкі інстытут. Вучыўся ў народнага мастака Беларусі Васіля Шаранговіча. Выкладае ў Беларускай дзяржаўнай акадэміі мастацтваў. Прафесар (1996). Член Беларускага саюза мастакоў (БСМ) з 1978 г. З 28 лістапада 2007 года па 23 снежня 2013 года займаў пасаду старшыні БСМ^[1]. Працуе ў станковай і кніжнай графіцы. Асноўныя творы: «А зязюля кукавала», «Асенні матыў», «Драўляная скульптура», «Паклон», «Памяць сівых курганоў», «Старая дарога. Зіма», «Шэсце», ілюстрацыі да кніг «Пінская шляхта» Вінцэнта Дуніна-Марцінкевіча, «Выбранае» Цёткі (Алаізы Пашкевіч)^[2].

Працуе ў вобласці станковай і кніжнай графікі, выстаўляецца з 1972 года.

Узнагароджаны шматлікімі дыпламамі і прэміямі за лепшае афармленне кніг. Працы мастака знаходзяцца ў шэрагу музеяў Беларусі і Расіі, у тым ліку ў Нацыянальным мастацкім музеі ў Мінску і Дзяржаўнай Траццякоўскай галерэі ў Маскве, а таксама ў галерэі Хагельстам Vil-Impex Oy (Фінляндыя) і галерэі графікі горада Банска-Бістрыца (Славакія).

↑ Зьміцер Панкавец. Уладзімер Савіч — новы старшыня Саюза мастакоў (нявызн.). Культура. Наша Ніва (3 кастрычніка 2011).
↑ Савіч Уладзімір Пятровіч // Памяць. Гісторыка-дакументальная хроніка Дзяржынскага раёна. — Мінск: БелТА, 2004. — С. 615. — 704 с.

Салавей А. Ф. Са́віч Уладзімір Пятровіч // Беларусь: энцыклапедычны даведнік / Рэдкал. Б. І. Сачанка (гал. рэд.) і інш.; Маст. М. В. Драко, А. М. Хількевіч. — Мн.: БелЭн, 1995. — С. 641. — 800 с. — 5 000 экз. — ISBN 985-11-0026-9.