Уладзіслаў Тышкевіч

Уладзіслаў Тышкевіч
Вялікі крайчы літоўскі 3 лютага 1676 — студзень 1684
Папярэднік	Ян Караль Дольскі
Пераемнік	Уладзіслаў Юзафат Сапега
Нараджэнне	1644
Смерць	студзень 1684[1]
Месца пахавання	Касцёл Святых Францыска і Бернарда
Род	Тышкевічы
Бацька	Антоні Ян Тышкевіч
Маці	Крысціна са Швыкоўскіх[d]
Жонка	Тэадора Аляксандра з Сапегаў[d][2]
Дзеці	Тэрэза з Тышкевічаў[d] і Бенедыкт Тышкевіч[d]
Медыяфайлы на Вікісховішчы

Уладзіслаў Тышкевіч (1644 — студзень 1684) — вялікалітоўскі дзяржаўны дзеяч.

Паходзіў са шляхецкага роду Тышкевічаў герба «Ляліва», сын Антонія Яна Тышкевіча і Крысціны са Швыкоўскіх.

Удзельнічаў у вайне Рэчы Паспалітай з Асманскай імперыяй 1672—1676 гадоў. Удзелу Уладзіслава Тышкевіча ў бітве пад Хацінам 1673 года прысвечаны верш ксяндза Мацея Ігната Кулігоўскага^[3].

З 3 лютага 1676 па студзень 1684 года займаў пасаду крайчага вялікага літоўскага^[3].

Пахаваны ў бернардзінскім касцёле ў Вільні. Яўстафій Тышкевіч згадвае эпітафію, у якой адзначана, што Уладзіслаў Тышкевіч памёр неўзабаве пасля венгерскай выправы. Верагодна, маецца на ўвазе паход Яна ІІІ Сабескага супраць турак у 1683 годзе^[3].

У 1665 годзе ажаніўся з Марыянай з Тызенгаўзаў, ад якой дзяцей не меў.

11 ліпеня 1671 года ажаніўся з Тэадорай Аляксандрай з Сапегаў (1639—1678). Ад яе меў дачку Тэрэзу, якая пабралася шлюбам з Крыштафам Станіславам Завішам.

• На Вікісховішчы ёсць медыяфайлы па тэме Уладзіслаў Тышкевіч