Уладзіслаў Юзафат Сапега

Уладзіслаў Язафат Сапега
Władysław Jozafat Sapieha
Уладзіслаў Язафат Сапега. З Кодзенскай галерэі, 1709
Герб «Ліс»
Ваявода берасцейскі 1709 — 1733
Папярэднік	Крыштаф Камароўскі
Пераемнік	Адам Тадэвуш Хадкевіч
Нараджэнне	5 лістапада 1652(1652-11-05) Косава, Слонімскі павет, Новагародскае ваяводства, Вялікае Княства Літоўскае
Смерць	13 сакавіка 1733(1733-03-13) (80 гадоў) Вішніцы, гміна Вішніцы, Бяльскі павет, Польшча
Месца пахавання	Вішніцы[1]
Род	Сапегі
Бацька	Крыштаф Францішак Сапега
Маці	Алена з Саламярэцкіх
Жонка	Уршуля з Даніловічаў Людвіка Марыя фон Гольц Крысціна з Сангушкаў
Дзеці	ад 1-га шлюбу: Яна ад 3-га шлюбу: Караль Юзаф, Казімір, Ян, Ганна, Міхал, Францішак, Язафат, Канстанцыя, Ігнацы
Адукацыя	Люблінскі езуіцкі калегіум[d] Браўнсбергскі езуіцкі калегіум[d] Карлаў універсітэт Венскі ўніверсітэт
Званне	ротмістр

Уладзіслаў Язафат Сапега, таксама сустракаецца варыянт Уладзіслаў Юзафат Сапега (5 лістапада 1652, Косава — 13 сакавіка 1733, Вішніцы) — вялікалітоўскі дзяржаўны і ваенны дзеяч. Чашнік (1681—1684) і крайчы вялікі літоўскі (1684—1699), ваявода менскі (1699—1709) і берасцейскі (з 1709).

З кодзенскай лініі магнацкага роду Сапегаў герба «Ліс», сын Крыштафа Францішка і Алены з Саламярэцкіх. Меў братоў Станіслава Казіміра і Андрэя Францішка.

Навучаўся ў езуіцкіх калегіумах у Любліне і Брунсбергу (Браневе), універсітэтах Прагі і Вены.

Удзельнічаў у вайне 1673—1674 гадоў супраць туркаў (Хоцінская бітва, украінская кампанія 1674 года Міхала Казіміра Паца).

Абіраўся паслом на соймы, быў дэпутатам Галоўнага Трыбунала. У часе Паўночнай вайны (1700—1721) выступаў за саюз з Расіяй^[2].

Упершыню ажаніўся з Уршуляй Даніловіч (шлюб у 1658, развод у 1693), з якой меў дачку Яну. Другі раз пабраўся шлюбам з Людвікай Марыяй фон Гольц (у 1693), трэці раз — з Крысцінай Сангушкай (у 1697), з якой меў сыноў Караля Юзафа, Казіміра, Яна, Міхала, Францішка, Юзафата і Ігнацыя, а таксама дачок Ганну і Канстанцыю. Пахавалі Уладзіслава Юзафата Сапегу ў Вішніцах^[3].

• Палац Сапегаў у Мінску

• Грыцкевіч А. Сапегі // Вялікае княства Літоўскае: Энцыклапедыя. У 3 т. / Рэдкал.: Г. П. Пашкоў (гал. рэд.) і інш.; маст. З. Э. Герасімовіч. — Мн.: Беларуская Энцыклапедыя, 2005. — Т. 2: Кадэцкі корпус — Яцкевіч. — С. 549. — 792 с. — ISBN 985-11-0378-0 (т. 2), ISBN 985-11-0315-2.
• Энцыклапедыя гісторыі Беларусі. У 6 т. Т. 6. Кн. 1: Пузыны — Усая / Рэдкал.: Г. П. Пашкоў (галоўны рэд.) і інш.; Маст. Э. Э. Жакевіч. — Мн. : БелЭн, 2001. — 591 с. — 10 000 экз. — ISBN 985-11-0214-8.