Харытон Сцяпанавіч Гарагляд

Харытон Сцяпанавіч Гарагляд
Дата нараджэння	11 (23) кастрычніка 1898
Месца нараджэння	Стахава, Плотніцкая воласць[d], Пінскі павет, Мінская губерня, Расійская імперыя
Дата смерці	23 мая 1985(1985-05-23) (86 гадоў)
Род дзейнасці	ветэрынар, гігіеніст, навуковец, выкладчык універсітэта
Навуковая сфера	ветэрынарыя[1], санітарыя[d], гігіена і навука[1]
Месца працы	Віцебскі ветэрынарны інстытут Інстытут ветэрынарнай медыцыны Паўднёва-Уральскага дзяржаўнага аграрнага ўніверсітэта[d] Навукова-практычны цэнтр НАН Беларусі па жывёлагадоўлі Інстытут эксперыментальнай ветэрынарыі імя С. М. Вышалескага НАНБ
Навуковая ступень	доктар ветэрынарных навук
Навуковае званне	прафесар акадэмік Акадэміі сельскагаспадарчых навук БССР акадэмік Акадэміі навук Беларускай ССР
Альма-матар	Кіеўскі ветэрынарна-заатэхнічны інстытут[d]
Партыя	КПСС
Узнагароды	Залаты медаль імя М. І. Вавілава[d]

Харытон Сцяпанавіч Гарагляд (11 кастрычніка 1898, Стахава, сучасны Столінскі раён, Брэсцкая вобласць — 23 мая 1985) — беларускі вучоны ў галіне агульнай і санітарнай ветэрынарнай медыцыны, спецыяліст па гігіене прадуктаў жывёлагадоўлі^[2]. Акадэмік АН БССР (1950), Акадэміі сельскагаспадарчых навук БССР (1957), заслужаны дзеяч навукі БССР (1949), доктар ветэрынарных навук (1939), прафесар (1939). Удзельнік грамадзянскай вайны^[2].

У 1925 годзе скончыў Кіеўскі ветэрынарна-заатэхнічны інстытут^[2]. З 1934 па 1960 год узначальваў кафедру ветэрынарна-санітарнай экспертызы Віцебскага ветэрынарнага інстытута (у 1941—1944 гг. ў Траецкім ветэрынарным інстытуце, Чалябінская вобласць)^[2]. Адначасова ў 1950—1954 гг. — дырэктар НДІ жывёлагадоўлі АН БССР^[2]. З 1956 года загадчык аддзела, намеснік дырэктара, з 1971 (1970^[3]) навуковы кансультант Беларускага НДІ эксперыментальнай ветэрынарыі імя С. М. Вышалескага.

Узнагароджаны Залатым медалём імя М. І. Вавілава.

Х. С. Гарагляд распрацаваў метад ветэрынарна-санітарнай экспертызы і ацэнкі рыбапрадуктаў, тлушчаў і прадуктаў расліннага паходжання^[2]. Распрацаваў апарат для абеззаражвання мяса пры прамысловай перапрацоўцы. Прапанаваў метады вызначэння жоўцевых пігментаў у мясе і альдэгідаў у тлушчах^[2]. Даследаваў эпізааталогію і дыягносціку трыхінелёзу, распрацаваў метад гетэрагеннага донарства ў жывёлагадоўлі^[2].

Сярод апублікаваных прац:

• Болезни и вредители рыб. — М., 1955
• Трихинеллёз сельскохозяйственных животных и его профилактика. — Мн., 1959
• Ветеринарно-санитарная экспертиза с основам технологии продуктов животноводства. — М., 1960 (совм. с В. П. Коряжновым, Я. П. Шлипаковым)
• Ветеринарно-санитарные исследования продуктов животноводства и растениеводства. — Мн., 1962
• Болезни диких животных. — Мн., 1971
• Ветеринарно-санитарная эксспертиза с основами технологии переработки продуктов животноводства. — Л., 1974 (в соавт.)

і інш.

• Беларуская энцыклапедыя: У 18 т. Т. 5: Гальцы — Дагон / Редкал.: Г. П. Пашкоў і інш. — Мн.: БелЭн, 1997. — Т. 5. — 576 с. — 10 000 экз. — ISBN 985-11-0090-0 (т. 5)
• Энцыклапедыя прыроды Беларусі. У 5-і т. Т.1 / Рэдкал.: І. П. Шамякін (гал. рэд.) і інш. — Мн.: БелСЭ, 1983. — Т. 1. — 575 с. — 10 000 экз.
• Белорусская ССР: Краткая энциклопедия. В 5-ти т. Т. 5. Биографический справочник / Ред. колл.: П. У. Бровка и др.. — Мн.: Гл. ред. Белорус. Сов. Энциклопедии, 1981. — Т. 5. — 740 с. — 50 000 экз. (руск.)

• Акадэмік ГАРАГЛЯД Харытон Сцяпанавіч (руск.) // На сайце НАН Беларусі
• Харытон Сцяпанавіч Гарагляд у базе даных «История белорусской науки в лицах» Цэнтральнай навуковай бібліятэкі імя Якуба Коласа НАН Беларусі (руск.)
• Краткая история учреждения образования «ВИТЕБСКАЯ ОРДЕНА „ЗНАК ПОЧЕТА“ государственная академия ветеринарной медицины» Архівавана 15 ліпеня 2012. (руск.)