Царква Узвіжання Святога Крыжа (Аранчыцы)

Царква Узвіжання Святога Крыжа
	Праваслаўны храм
Царква Узвіжання Святога Крыжа
	52°27′38″ пн. ш. 24°31′31″ у. д.HGЯO
Краіна	Беларусь
Вёска	Аранчыцы
Канфесія	Беларуская праваслаўная царква
Епархія	Брэсцкая і Кобрынская епархія
Архітэктурны стыль	рэтраспектыўна-рускі стыль
Дата пабудовы	1914 год
Статус	Гісторыка-культурная каштоўнасць Беларусі, шыфр 113Г000593шыфр 113Г000593
Матэрыял	цэгла
	Медыяфайлы на Вікісховішчы

Царква Узвіжання Святога Крыжа - праваслаўны храм у в. Аранчыцы (Пружанскі раён), на заходняй ускраіне вёскі. Пабудавана ў 1914 г. з цэглы на месцы драўлянага храма.

Архітэктура

Помнік архітэктуры рэтраспектыўна-рускага стылю. Кананічную чатырохчасткавую падоўжна-восевую кампазіцыю храма складаюць трох'ярусная званіца, прамавугольная ў плане трапезная, кубападобная малітоўная зала, пяцігранная апсіда. Шатровая званіца (2 васьмерыкі на чацверыку) і чатырохсхільны дах асноўнага аб'ёму завершаны цыбулепадобнымі галоўкамі на 8-гранных светлавых барабанах. У дэкоры фасадаў выкарыстаны зубчастыя фрызы, вытанчаныя пілястры і вуглавыя лапаткі. крыжы ў круглых разетках. Арыгінальнае вырашенне атрымалі бакавыя фасады асноўнага аб'ёму — вялікі арачны аконны праём фланкіраваны двума ярусамі лучковых аконных праёмаў.

Інтэр’ер асветлены светлавым барабанам на ветразях. Прастора трапезнай адкрыта ў залу шырокім арачным прасветам. Апсіда вылучана драўляным іканастасам. Абразы 18 ст. «Святы Мікалай», «Маці Божая Адзігітрыя».

Літаратура

Праваслаўныя храмы Беларусі / А. М. Кулагін, З. Э. Герасімовіч, У. П. Свентахоўскі. — Мн., БелЭн, 2007.
Збор помнікаў гісторыі і культуры Беларусі / АН БССР. Ін-т мастацтвазнаўства, этнаграфіі і фальклору; Рэд. кал.: С. В. Марцэлеў (гал. рэд.) і інш. — Мн.: БелСЭ, [1984—1988].