Шпакава

Вёска Шпакава Краіна Беларусь Вобласць Віцебская Раён Гарадоцкі Сельсавет Пальмінскі Каардынаты 55°28′28″ пн. ш. 30°12′43″ у. д.HGЯO Насельніцтва ▼2 чал. (2009) Часавы пояс UTC+3 Тэлефонны код +375 2139 Аўтамабільны код 2 СААТА 2218870106 Шпакава на карце Беларусі ±

Шпа́кава^[1] (трансліт.: Špakava, руск.: Шпаково) — вёска ў Гарадоцкім раёне Віцебскай вобласці. Уваходзіць у склад Пальмінскага сельсавета. За 23 км на ўсход ад Гарадка, 41 км ад Віцебска, 15 км ад чыгуначнай станцыі Залучча на лініі Віцебск — Невель. Рэльеф раўнінны. На захадзе працякае ручай (прыток ракі Кабішчанка). На захадзе і ўсходзе ляжыць лясны масіў. Транспартныя сувязі па мясцовай дарозе праз вёскі Раманава, Пальмінка і далей па шашы Віцебск — Невель.

У 1-й палове 19 стагоддзя вёска ў маёнтку Няпраж, які адносіўся да фундушовага ведамства, у Віцебскім павеце Віцебскай губерні. З 1866 года ў Храпавіцкай воласці Віцебскага павета Віцебскай губерні. У сакавіку 1924 года вернута ў склад БССР. З 20 жніўня 1924 года хутар у Пальмінскім сельсавеце Віцебскага раёна Віцебскай акругі (да 26 ліпеня 1930 года). З 20 лютага 1938 года ў Віцебскай вобласці. У 2002 годзе ў саўгасе «Гарадоцкі». У 2012 годзе ў складзе КУСП «Паўночны».

• 6 рэвізскіх душ (1839)
• 6 двароў, 25 жыхароў (1926)
• 91 жыхар (1959)
• 113 жыхароў (1970)
• 10 гаспадарак, 11 жыхароў (2002)
• 3 гаспадаркі, 3 жыхары (2018)

• Гарады і вёскі Беларусі: Энцыклапедыя. Т. 10: Віцебская вобласць, кн. 2 / рэдкал.: У. У. Андрыевіч (гал. рэд.) і інш. — Мн.: Беларуская Энцыклапедыя імя Петруся Броўкі, 2019. — 728 с.: іл. — 1 000 экз. — ISBN 978-985-11-1126-4.

• На Вікісховішчы пакуль няма медыяфайлаў па тэме, але Вы можаце загрузіць іх