Эўгяніюс Матузявічус

Эўгяніюс Матузявічус
Эўгяніюс Матузявічус
	літ.: Eugenijus Matuzevičius
Асабістыя звесткі
Дата нараджэння	24 снежня 1917
Месца нараджэння	Урупінск, Хапёрская акруга[d], Вобласць Войска Данскога, РСФСР;
Дата смерці	20 чэрвеня 1994 (76 гадоў)
Месца смерці	Крынчынас[d], Пасвальскі раён[d], Літва;
Грамадзянства	Літва;
Жонка	Дана Руткуце[d]
Дзеці	Карняліюс Матузявічус[d] і Юрагіс Матузявічус[d]
Альма-матар	Віленскі ўніверсітэт;
Прафесійная дзейнасць
Род дзейнасці	паэт, перакладчык, крытык
Мова твораў	літоўская мова
Узнагароды	;

Эўгяніюс Матузявічус (лац.: Eugenijus Matuzevičius; 24 снежня 1917, г. Урупінск, Вобласць Войска Данскога, РСФСР — 20 чэрвеня 1994) — літоўскі паэт, перакладчык, крытык. Заслужаны дзеяч мастацтваў Літвы (1977).

Вучыўся ў 1939—1943 гадах Каўнаскім і Вільнюскім універсітэтах.

Творчасць

Аўтар паэтычных зборнікаў «Веснавой сцежкай» (1941), «Песня дружбы» (1953), «Не гасні, агонь маяка!» (1960), «Месячны бераг» (1965), «Млечны шлях» (1970), «Зялёныя астравы гадоў» (1975, Дзяржаўная прэмія Літвы 1977), «Варыяцыі і вяртанні» (1980) і інш. Для яго вершаў характэрна рамантычная прыўзнятасць, песенныя інтанацыі.

Для зборніка Янкі Купалы на літоўскай мове «Не жалейка стогне» (1957, укладальнік разам з А. Жукаўскасам), анталогій «З беларускай паэзіі» (1952) і «Па Нёмане песня плыве» (1958) пераклаў паэмы Я.Купалы «Курган», «Барысаў», п'есы «Паўлінка», «Раскіданае гняздо», яго вершы і іншых беларускіх паэтаў. Укладальнік зборніка твораў Я. Купалы «Мая доля» (Вільнюс, 1982). Аўтар артыкулаў пра Я. Купалу, беларускую літаратуру, культуру.

Пераклады

На беларускую мову асобныя яго вершы пераклалі А. Астрэйка, Р. Барадулін, А. Бачыла, А. Вярцінскі, А. Грачанікаў, Л. Дайнека, М. Калачынскі, Я. Крупенька, П. Марціновіч, А. Разанаў, М. Танк.

Зноскі

Літаратура

Матузявічус Эўгеніюс. Беларуская энцыклапедыя: У 18 т. Т. 10: Малайзія — Мугаджары / Рэдкал.: Г. П. Пашкоў і інш. — Мн. : БелЭн, 2000. — Т. 10. — 544 с. — 10 000 экз. — ISBN 985-11-0035-8. — ISBN 985-11-0169-9 (т. 10).