Юрый Рыгоравіч Гарадзецкі

Юрый Рыгоравіч Гарадзецкі
Юрый Рыгоравіч Гарадзецкі
Дата нараджэння	25 лютага 1983 (42 гады)
Месца нараджэння	Магілёў, Магілёўская вобласць, Беларуская ССР, СССР;
Адукацыя	Беларуская дзяржаўная акадэмія музыкі; Магілёўскі дзяржаўны музычны каледж імя М. А. Рымскага-Корсакава;
Прафесія	оперны спявак
Тэатр	Нацыянальны акадэмічны Вялікі тэатр оперы і балета Рэспублікі Беларусь;
Узнагароды

Юрый Гарадзецкі (25 лютага 1983, Магілёў) — беларускі оперны спявак, тэнар, саліст Нацыянальнага акадэмічнага Вялікага тэатра оперы і балета (з 2006)^[1].

Адукацыя

У 2002 годзе скончыў Магілёўскі музычны каледж па класе «харавое дырыжыраванне», а ў 2007 годзе — Беларускую акадэмію музыкі (клас Л. Івашкова)^[1].

Атрымаў прэмію Спецыяльнага фонду Прэзідэнта Рэспублікі Беларусь па падтрымцы таленавітай моладзі (2006, 2008 гг.). Удзельнічаў у майстар-класах Міжнароднай акадэміі музыкі ў Ніцы^[1].

У 2008-09 гг. вучыўся ў Вышэйшым інстытуце музыкі ў Модэне (Італія, клас Райны Кабаіванска (руск.) (бел.). У 2009-10 гг. займаўся пад кіраўніцтвам Жазэ ван Дама (руск.) (бел. ў опернай студыі Музычнай капэлы каралевы Елізаветы (Бельгія). З 2011 г. — удзельнік Моладзевай праграмы Вашынгтонскай нацыянальнай оперы^[1].

З 2006 года — саліст Нацыянальнага акадэмічнага Вялікага тэатра оперы і балета Рэспублікі Беларусь^[1].

Рэпертуар

Ленскі («Яўген Анегін» П. Чайкоўскага)
Свеціловіч («Дзікае паляванне караля Стаха» У. Солтана)
Янак («Чужое багацце нікому не служыць» Я. Д. Голанда)
Моцарт («Моцарт і Сальеры (руск.) (бел.» М. Рымскага-Корсакава)
Альфрэд («Травіята» Д. Вердзі)
Таміна («Чароўная флейта» В. А. Моцарта)
Уладзімір Ігаравіч («Князь Ігар» А. Барадзіна)
Альмавіва («Севільскі цырульнік (руск.) (бел.» Д. Расіні
Партыя тэнара ў Рэквіеме Моцарта

Узнагароды

Лаўрэат Міжнароднага конкурсу вакалістаў імя Л. П. Александроўскай (Мінск, 2004)
Лаўрэат Адкрытага ўсерасійскага конкурсу вакальна-фартэпіянных дуэтаў (Санкт-Пецярбург, 2006)
Дыпламант Міжнароднага конкурсу вакалістаў імя Ф. Віньяса (Барселона, 2007)^[2]
Лаўрэат Міжнароднага конкурсу камерных спевакоў імя Р. Яхіна (Казань, 2007)
Лаўрэат Міжнароднага конкурсу імя Каралевы Елізаветы (руск.) (бел. (Брусель, 2008)
Лаўрэат Міжнароднага конкурсу вакалістаў імя С. Манюшка (Варшава, 2010)^[3]^[4],
медаль Францыска Скарыны (2016)^[5].