Ян Радзівіл (1492—1542)

Ян Радзівіл
Трубы
генеральны староста жамойцкі 1535 — 1542
Папярэднік	Пётр Станіслававіч Кішка
Пераемнік	Мацей Клочка
Нараджэнне	1492[1] Гонёндз, гміна Гонёндз, Манецкі павет, Падляскае ваяводства, Польшча
Смерць	не раней за 13 лютага 1542 і не пазней за 18 лютага 1542 Хоўхлава, Беларусь
Род	Радзівілы
Бацька	Мікалай Радзівіл[2]
Маці	Альжбета з Саковічаў
Жонка	Ганна з Касцевічаў[d][2][3]
Дзеці	Ганна з Радзівілаў[d][2], Петранеля з Радзівілаў[d][2] і Альжбета з Радзівілаў[2]
Медыяфайлы на Вікісховішчы

Ян Мікалай Мікалаевіч Радзівіл (1492 — 1542) — вялікалітоўскі дзяржаўны дзеяч. Падчашы вялікі літоўскі (з 1517), дзяржаўца маркаўскі (1520—1534) і васілішскі (з 1523), староста бельскі (з 1522), староста жамойцкі (з 1535).

Сын канцлера літоўскага Мікалая Радзівіла і Альжбеты з Саковічаў.

Браў удзел у вайне супраць Тэўтонскага ордэна (1516—1521). Уваходзіў у склад камісій па размежаванні ВКЛ з Мазовіяй(1529), Прусіяй (1532) і Інфлянтамі (1540—1541). У 1530-1540-я гады трыумвірат у складзе Ян Радзівіла, яго дзядзькі Юрыя Радзівіла і Альбрэхта Гаштольда фактычна кіраваў ВКЛ пры адсутнасці ў дзяржаве вял. князя Жыгімонта Старога. Браў удзел у вайне супраць Маскоўскай дзяржавы (1534—1537).

Валодаў маёнткамі ў Літве і на Падляшшы. У шлюбе з Ганнай Касцевіч меў 3 дачок. С смерцю Яна Мікалаевіча згасла па мячы лінія Радзівілаў — князёў «на Ганёндзу і Райгрудзе».