Мікалай Радзівіл Стары

Мікалай Радзівіл
Герб «Трубы»
Староста ўшпольскі і пянянскі 1477 — 1509
Манарх	Казімір IV Ягелончык Аляксандр Ягелончык
Папярэднік	Радзівіл Осцікавіч
15-ы Намеснік смаленскі 1482 — 1586
Манарх	Казімір IV Ягелончык
Пераемнік	Івашка Ільініч
Маршалак гаспадарскі 1486 — 1486
Манарх	Казімір IV Ягелончык
Нараджэнне	1450
Смерць	16 ліпеня 1509[1][2]
Месца пахавання	Касцёл Святых Францыска і Бернарда[3]
Род	Радзівілы
Бацька	Радзівіл Осцікавіч[4][5]
Жонка	Соф’я з Манівідаў[d][5][6], Соф’я з Заслаўскіх[d][5][7] і Фядора Іванаўна Рагацінская[d][5][8][…]
Дзеці	Юрый Радзівіл Геркулес[5][7], Ганна з Радзівілаў[5][7], Войцех Радзівіл[5][7], Ян Радзівіл[5][7], Мікалай Радзівіл[5][7] і Барбара з Радзівілаў[d][7]
Медыяфайлы на Вікісховішчы

Мікалай «Стары», Мікалай Радзівілавіч (? — 16 ліпеня 1509) — вялікалітоўскі дзяржаўны дзеяч.

Сын Радзівіла Осцікавіча. Намеснік смаленскі з 1481. У 1488 як кашталян троцкі і намеснік новагародскі ўвайшоў у склад Рады ВКЛ. Хутка вылучыўся на галоўную ролю ў Радзе і ў 1491^[9] заняў урады ваяводы віленскага і канцлера літоўскага. Выконваючы завяшчанне вялікага князя Казіміра, у 1492 забяспечыў пераход вялікалітоўскага стальца да Аляксандра Ягелончыка. Выступаў за шлюб Аляксандра з Аленай Іванаўнай, дачкой вялікага князя маскоўскага Івана III. Быў адным з ініцыятараў падпісання ў 1499 новага акта уніі паміж ВКЛ і Польшчай. Кіраваў ВКЛ пры адсутнасці ў дзяржаве вялікага князя. Паводле завяшчання Аляксандра садзейнічаў перадачы ў 1506 вялікалітоўскага стальца Жыгімонту I. Стварыў вялікую латыфундыю, якая заклала падмурак магутнасці роду Радзівілаў. Валодаў Кейданамі, Біржамі, Дубінкамі і інш. ў Літве; Жупранамі, Геранёнамі каля Ашмян, Нягневічамі, воласцю Бобрык на Прыпяці. У шлюбе з Соф’яй Манівід меў дачку, сыноў Мікалая, Яна, Войцеха, Юрыя. Пасля быў жанаты з Соф’яй, дачкой князя Івана Юр’евіча Заслаўскага, і з Соф’яй (Фядорай), дачкой князя Івана Рагацінскага.

• Вялікае княства Літоўскае: Энцыклапедыя. У 3 т. / Рэдкал.: Г. П. Пашкоў (гал. рэд.) і інш.; маст. З. Э. Герасімовіч. — Мн.: Беларуская Энцыклапедыя, 2005. — Т. 2: Кадэцкі корпус — Яцкевіч. — 792 с. — ISBN 985-11-0378-0 (т. 2), ISBN 985-11-0315-2.

• На Вікісховішчы ёсць медыяфайлы па тэме Мікалай Радзівіл Стары