Ястрабок парасоністы

	Ястрабок парасоністы
Навуковая класіфікацыя
Дамен:	Эўкарыёты
Царства:	Расліны
Аддзел:	Кветкавыя
Клас:	Двухдольныя
Парадак:	Астракветныя
Сямейства:	Астравыя
Падсямейства:	Cichorioideae
Трыба:	Cichorieae
Падтрыба:	Hieraciinae
Род:	Ястрабок
Від:	Ястрабок парасоністы
Міжнародная навуковая назва
	Hieracium umbellatum L., Sp. Pl. 2: 804 (1753)
ITIS	503040
NCBI	268065
EOL	486356
GRIN	t:412965
IPNI	224435-1
TPL	gcc-36668

Ястрабо́к парасоністы^[1] (Hieracium umbellatum) — від кветкавых раслін роду Ястрабок (Hieracium) сямейства Астравыя (Asteraceae).

Батанічнае апісанне

Шматгадовая травяністая расліна вышынёй 50—70 (да 100)^[1] см з кароткім вузлаватым карэнішчам. Сцябло прамастойнае, шурпатае. Лісце даўжынёй 5—7^[1] см, чаргаванае, сядзячае, простае, ланцэтападобнай формы, з зубчастым або суцэльным краем, апушанае. Зверху лісце зялёнага колеру, знізу — шызаватае. Кветкі залаціста-жоўтыя, у кошыках, сабраных па 8 (15) — 40 (80)^[1] у парасонападобныя мяцёлкі. Плод — сямянка цёмна-карычневага колеру з брудна-жоўтым чубком.

Распаўсюджанне і экалогія

Расліна распаўсюджана на тэрыторыі Еўропы, Паўночнай Амерыкі, умераных і трапічных (Індыя, Пакістан) абласцей Азіі^[2].

Святлолюбівая, ценевынослівая расліна^[3]. Мезафіт і мезатроф^[3]. Расце ў стэпах, на лугах, узлесках і палянах, камяністых россыпах, па берагах вадаёмаў, на аблогах, пустках, пашах і агародах, каля дарог, у парках і садах^[3].

Зноскі

↑ ^а ^б ^в ^г Энцыклапедыя прыроды Беларусі. У 5-і т. Т. 5. Стаўраструм — Яшчур / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1986. — 583 с., іл. — 10 000 экз.
↑ Taxon: Hieracium umbellatum L. (англ.) // Germplasm Resources Information Network (GRIN-Taxonomy)
↑ ^а ^б ^в Ястребинка зонтичная: інфармацыя пра таксон у праекце «Плантариум» (вызначальнік раслін і ілюстраваны атлас відаў). (руск.)

Літаратура

Вынаеў Г. У. Ястрабок // Энцыклапедыя прыроды Беларусі. У 5-і т. Т. 5. Стаўраструм — Яшчур / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1986. — 583 с., іл. — 10 000 экз.
Губанов И. А., Киселёва К. В., Новиков В. С., Тихомиров В. Н. 1372. Hieracium umbellatum L. [incl. H. filifolium Juxip] — Ястребинка зонтичная // Иллюстрированный определитель растений Средней России. В 3-х томах. — М.: Т-во науч. изд. КМК, Ин-т технолог. иссл, 2004. — Т. 3. Покрытосеменные (двудольные: раздельнолепестные). — С. 436. — ISBN 5-87317-163-7.

Спасылкі

Ястребинка зонтичная: інфармацыя пра таксон у праекце «Плантариум» (вызначальнік раслін і ілюстраваны атлас відаў). (руск.)
Hieracium umbellatum L. // ИАС «ООПТ России» (руск.)