Ізабела Арагонская (каралева Францыі)

Ізабела Арагонская
Ізабела Арагонская
	Isabel d'Aragón
	з 25 жніўня 1270
Папярэднік	Маргарыта Праванская
Пераемнік	Марыя Брабанцкая
Нараджэнне	1248
Смерць	28 студзеня 1271; Казенца, Каралеўства Арагон, Арагонская карона;
Месца пахавання	Абацтва Сен-Дэні;
Род	Арагонская дынастыя[d]
Бацька	Хаймэ I Арагонскі
Маці	Іаланда Венгерская
Муж	Філіп III Смелы
Дзеці	Людовік Французскі[d], Філіп IV Прыгожы і Карл Валуа
Веравызнанне	каталіцтва
Бітвы	Восьмы крыжовы паход;
	Медыяфайлы на Вікісховішчы

Ізабела Арагонская (араг.: Isabel d'Aragón, катал.: Elisabet d'Aragó i d'Hongria), (1247 — 28 студзеня 1271) — інфанта Арагона, дачка караля Арагона Хаймэ I Заваёўніка і Іаланды Венгерскай, жонка караля Францыі Філіпа III Адважнага.

Паходжанне

Ізабела была чацвёртай дачкой караля Арагона Хаймэ I Заваёўніка і яго другой жонкі Іаланды Венгерскай. Па бацькаўскай лініі была ўнучкай Педра II Каталіка, першага васала Папы Рымскага сярод арагонскіх каралёў і ўдзельніка альбігойскага крыжовага паходу, а таксама Марыі дэ Манпелье. Па матчынай лініі паходзіла з венгерскай дынастыі Арпадаў і прыпадала ўнучкай каралю Венгрыі Андрашу II, які распачаў Пяты крыжовы паход, і Іаландзе дэ Куртэнэ, прынцэсе Лацінскай імперыі.

Шлюб і дзеці

28 мая 1262 года юная Ізабела выйшла замуж за спадчынніка французскага прастола Філіпа. Шлюб адбыўся ў Кафедральным саборы Клермона.

Ізабела нарадзіла жонку чацвярых сыноў:

У 1270 годзе суправаджала мужа ў Восьмым крыжовым паходзе ў Туніс. Напачатку студзеня, на зваротным шляху, быў зроблены прыпынак у Казенцы. Быўшы на шостым месяцы цяжарнасці, Ізабела звалілася з каня. Гэта выклікала заўчасныя роды. Пяты сын нарадзіўся мёртвым. Праз сямнаццаць дзён пасля гэтага Ізабела сканала. Філіп перавёз рэшткі жонкі і дзіцяці ў Парыж, дзе яны былі з ушанаваннямі пахаваны ў Абацтве Сен-Дэні.