Сцяг Бельгіі

Сцяг Каралеўства Бельгія
Дзяржаўны і ваенны сцяг
Зацверджаны	23 студзеня 1831
Прапорцыя	15:13[d]
Цывільны сцяг Дзяржаўны (марскі) сцяг Заснаваны:1950 Ваенна-марскі сцяг Заснаваны: 23 лютага 1950
Прапорцыя	2:3

Дзяржаўны (грамадзянскі) сцяг Бельгіі ўяўляе сабой прастакутнае палатно з суадносінамі бакоў 13:15, якое складаецца з трох роўнавялікіх вертыкальных палос — чорнай, жоўтай і чырвонай. Гэтыя колеры традыцыйна былі колерамі Брабанцкага Герцагства. Форма заснавана на форме сцяга Францыі, хоць паходжанне прапорцый невядома.

Дата прыняцця — 23 студзеня 1831 года. Выгляд сцяга зацверджаны артыкулам № 193 бельгійскай канстытуцыі, аднак там прыведзены адваротны прынятаму цяпер парадак колераў (гэта значыць чырвоны, жоўты, чорны).

Хоць афіцыйна суадносіны бакоў сцяга складаюць 13:15, на практыцы выкарыстоўваюцца больш выцягнутыя сцягі (часцей за ўсё — з суадносінамі 2:3). Большасць бельгійцаў былі б вельмі здзіўлены, калі б пазналі, што ў адпаведнасці з законам іх сцяг павінен быць амаль квадратным.

Грамадзянскі сцяг таксама выкарыстоўваецца ўзброенымі сіламі Бельгіі (акрамя флота, гл. ніжэй)

Бельгійскі сцяг быў важным знакам падчас бельгійскай рэвалюцыі і вайны за незалежнасць 1830 года, аднак выглядаў ён трохі інакш, чым зацверджаны пазней варыянт: сцяг меў тры гарызантальна размешчаныя палосы (зверху ўніз — чырвоны, чорны, жоўты) і быў больш выцягнутым па форме. Падобны сцяг, таксама гарызантальны, чырвона-жоўта-чорны (зверху ўніз) быў знакам няўдалага паўстання супраць аўстрыйскага валадарства ў 1789 годзе.

Дзяржаўны (урадавы) сцяг Бельгіі выглядае гэтак жа, як і грамадзянскі, толькі на жоўтай паласе намаляваны стаячы на задніх лапах леў і карона. Дзяржаўны сцяг быў афіцыйна зацверджаны ў сваёй ролі ў 1950 годзе. Раней, з 1936 года, гэты сцяг быў ваенна-марскім сцягам краіны, пакуль ваенна-марскі флот Бельгіі не быў скасаваны пасля акупацыі Бельгіі Германіяй (у 1940 года).

Цяперашні ваенна-марскі сцяг краіны ўяўляе сабой белае палатно з андрэеўскім крыжам з чырвона-жоўта-чорных стужак. Над месцам перакрыжавання стужак размешчаны малюнак кароны і дзвюх скрыжаваных гармат, пад месцам перакрыжавання стужак — сілуэт якара.

Акрамя таго, свой сцяг мае кожная правінцыя, акруга, супольнасць, горад і камуна Бельгіі.

Герб Бельгіі

Дзяржаўныя сімвалы Бельгіі

Для паляпшэння артыкула пажадана Паставіць зноскі з дакладнейшым указаннем крыніцы. Знайсці і дадаць спасылкі на аўтарытэтныя крыніцы, якія пацвярджаюць напісанае Перакласці тэкст з іншай мовы на беларускую.