Јазици во Швајцарија

Јазици во Швајцарија
	Јазична карта на Швајцарија од 2010 година
Национален јазик	германски 62.6%; француски 22.9%; италијански 8.2%; реторомански 0.5%;
Извор	Федерален завод за статистика
	Демографија на Швајцарија

Јазиците во Швајцарија се значајна културна и политичка компонента на земјата.

Денес се признаени четири национални јазици во Швајцарија: германски, француски, италијански и реторомански.^[2] Сите освен последниот имаат еднаков статус како официјални јазици на национално ниво, во рамките на Сојузната администрација на Швајцарија,^[3] додека ретороманскиот е официјален јазик само во тријазичниот кантон Граубинден. Покрај овие четири јазици, во одредени ситауции се користи и латинскиот, конкретно како јазик на кој се именува државата—Confoederatio Helvetica, од кое име всушност произлегува и скратеницата за Швајцарија—CH.

Според податоци од 2017 година, во Швајцарија 62,6% зборуваат германски како мајчин јазик; 22,9% француски; 8,2% италијански, и 0,5% реторомански. Мнозинството од германските, француските и италијанските говорници зборуваат на варијанта на нивниот јазик која е типична за Швајцарија.^[4]

Денес Швајцарија може да се подели на неколку јазични региони. Најголемиот од нив е германскиот (Deutschschweiz), кој се простира во источните, северните и централните делови на државата; следува францускиот (la Romandie) кој го зафаќа само западниот дел на Швајцарија; италијанскиот (Svizzera italiana) сместен на југот. Постои и мало население на реторомански говорници во источните делови на земјата.

Покрај тријазичниот Граубинден, кантоните Фрибур, Берн и Вале се двојазични.