Боро Поле

Боро Поле

Местоположба на Боро Поле во Македонија

Боро Поле (познато и како: Борово Поле) — карстно поле и висорамнина на планината Караџица на масивот Мокра, кое припаѓа во рамки на подрачјето на природниот резерват „Јасен“.

Има издолжен облик и се протега во меридијански правец север - југ со отклонување кон југоисток. На север е оградено со гребенот на врвот Миленков Камен (2.217 м) и Велешка Рупа односно врвот Крајни Камен (2.093 м), на исток е оградено со гребенот на највисокиот врв Караџица (2.472 м), на југ е заградено од гребенот Завој и врвот Иванов Камен (2.108 м) додека кон запад е отворено како висока тераса над длабокиот дол на реката Оча во Поречието на чиј западен крај е месноста Сугаре Пештера од која започнуваат стрмни долови и ограноци. Надморската височина на Боро Поле се протега меѓу 1.642 и 1.750 метри, со просек околу 1.678 метри. Долг е 4, а широк — 1,5 киломери. Боро Поле е многу тешко пристапно и до него постои само колски пат од строго заштитеното подрачје на „Јасен“.

Полето е интересна карстна појава, на која се развива својствен вид на растителност со посебни одлики. Се наоѓа високо на крајната западна страна на планинското било на Караџица, како зарамнета површина над нејзината стрмна западна падина во Порече. Според името на ова рамниште може да се претпостави дека во поблиското минато тоа претставувало главно станиште на иглолисен тип на шума^[1], а и денес на него најзастапен е борот кој е распространет по целото поле во поединечни и помали групи на борови дрвја. Покрај боровите, од дрвната растителност застапени се и смреките од зимзелените и во многу редок обем даб-прнар и нискостеблести листопадни грмушки. Од растителниот свет треба да се наведе дека на Боро Поле се наоѓа единственото наоѓалиште на Балканот на кривиот лук (Allium zebdanense).^[1]

Од животинскиот свет на Боро Поле живее доста дивеч при што се застапени дивите кози, зајаците, лисиците, волците поради што тоа е посетувано и од ловци.

• 
  Утринска глетка на Боро Поле од север
• 
  Поглед на Боро Поле од југ
• 
  Сличен поглед од југ
• 
  Борови дрвја од запад
• 
  Зајак стои помеѓу бор и смрека на Боро Поле
• 
  Цветови на кривиот лук, застапен на Боро Поле

• Мокра
• Караџица
• Порече

• Боро Поле на Ризницата ^?
• Истражување на пропаст во Боро Поле — истражувачко друштво „Урсус спелеос“ (видео)

41°43′49″N 21°18′52″E / 41.7303°N 21.3145°E / 41.7303; 21.3145 (Боро Поле)

п р у Мокра Планини-ограноци Јакупица • Караџица • Даутица • Голешница • Китка • Шашковица • Салакова Планина • Ејлагица • Мумџица (Алдинска) • Сува Планина Врвови Солунска Глава  (2.540) • Караџица  (2.472) • Перчулица  (2.423) • Попово Брдо  (2.380) • Пепелјак  (2.352) • Убава  (2.346) • Пржал  (2.339) • Каменити Брег  (2.318) • Остри Врв  (2.263) • Миленков Камен  (2.217)  • Мирска Вода  (2.179) • Плавник  (2.126) • Кале   (2.112)  • Иванов Камен  (2.108)  • Крајни Камен  (2.093)  • Кривул  (2.088)  • Бел Камен  (2.074)  • Рендова Ливада  (2.058)  • Лисец  (1.935) • Сипачан  (1.790) • Зајачница  (1.760) • Османбежица  (1.730)  • Каљаја  (1.710) • Бајрак   (1.527) • Студена Вода  (1.475) • Коритски Камен (Тисовички Врв)  (1.441) • Темна Бука  (1.362) Висорамнини Бегово Поле • Боро Поле • Враца • Солунско Поле Реки Бабуна • Тополка • Кадина Река • Маркова Река • Салаковска Река • Ејлагица • Јуручица • Беличка Река • Оча • Патишка Река • Цветовска Река • Чеплеска Река Езера Салаковски езера • (Големо Салаковско Езеро • Мало Салаковско Езеро) • Бегови Вирови Седла Преслап  • Бразда (Салаково)  • Празни Торба  • Вилјак Вртачи (дупки) Марина Дупка  • Велешка Дупка Пештери Бозгунова Пештера  • Христијанова Пештера  • Драчевска Пештера  • Дамјаница Ледници Камен Ледник Планин. домови „Бреза“ (разрушен) • „Грин-Пауер - Папрадиште“ • „Исак Русо“ (разрушен) • „Караџица“ • „Китка“ • „Пеони-Белица“ • „Стровија“ • „Чеплез“