Вестра Јеталанд (округ)

Вестра Јеталанд
Вестра Јеталанд; Västra Götalands län
	Округ
Грб	;
Земја	Шведска
Админ. центар	Гетеборг
Управа
• Управник	Ларс Бекстрем
• Совет	Регионален совет на Вестра Јеталанд
Површина
• Вкупна	23.945 км2 (9,245 ми2)
Население (31 март 2011)
• Вкупно	1.581.850
• Густина	66/км2 (170/ми2)
Час. појас	CET (UTC+1)
• Лето (ЛСВ)	CEST (UTC+2)
БДП (ном.)	386.538 милиони круни (2004)
БДП/жит	376.900 круни (2010)
NUTS	SE232

Вестра Јеталанд (шведски: Västra Götalands län) — округ (län) на западното крајбрежје на Шведска.

Овој округ е втор по населеност во земјата. Поделен е на 49 општини (kommuner). Населението брои 1.550.000 жители, или 17% од населението на Шведска. Административен центар е градот Гетеборг.

Основан е во 1998, со спојување на окрузите Елвсборг, Гетеборг и Бохус и Скараборг.

Покраини

Окрузите во Шведска имаат поголемо значење од покраините. Првите се административно-политички и статистички единици, додека пак вторите имаат само историско значење.

Поради големината и неговото неодамнешно формирање, округот Вестра Јеталанд нема свои обележја и наследство како целина. Културно-историски знајачни се покраините што ги опфаќа: Вестерјетланд, Бохуслен и Далсланд. Во округот влегува и значен дел од покраината Халанд.

Соседни окрузи

Вестра Јеталанд се граничи со окрузите Вермланд, Еребру, Естерјетланд, Јеншепинг и Халанд. Долж границата со Норвешка, Вестра Јетланд се граничи со окугот Естфол, езерата Ветерн и Венерн и протокот Скагерак.

Управа

Основан е во 1998, со спојување на окрузите Елвсборг, Гетеборг и Бохус и Скараборг. Седиште на управникот е градот Гетеборг, додека пак политичката управа е сместена во Венерсборг. Управникот стои на чело на Окружниот административен одбор (Länsstyrelse).