Седерманланд (округ)

Седерманланд
Седерманланд; Södermanlands län
	Округ
	;
	;
Земја	Шведска
Админ. центар	Нишепинг
Управа
• Управник	Бу Шенберг
• Совет	Окружен совет на Седерманланд
Површина
• Вкупна	6.061 км2 (2,340 ми2)
Население (31 март 2011)
• Вкупно	270.981
• Густина	45/км2 (120/ми2)
Час. појас	CET (UTC+1)
• Лето (ЛСВ)	CEST (UTC+2)
БДП (ном.)	52.235 милиони круни (2004)
БДП/жит	202.000 круни
NUTS	SE122

Седерманланд (швед. Södermanlands län) е округ (län) на југоисточното крајбрежје на Шведска. Се граничи со окрузите Естерјетланд, Еребру, Вестманланд, Упсала, Стокхолм и Балтичкото Море. Административен центар е градот Нишепинг.

Ова е административна единица која ја опфаќа речиси сета историска покраина Седерманланд. Источните делови на покраината, (воглавно подрачјето на Седертерн) му припаѓаат на округот Стокхолм.

Денес Седерманланд е најбогатиот округ во Шведска, што се должи на финансиската моќ на градовите како Труса.

Управа

Главна цел на окружниот административен одбор е спроведување на целите утврдени во парламентот и владата, усогласување на локалните и државните интереси, унапредување на развојот во округот, воспоставување на регионални цели, запазување на јавниот ред и раководење со правните постапки. Окружниот административен одбор е владина служба на чие чело стои управник.

Окружниот совет на Седерманланд (Landstinget Sörmland) е задолжен за здравството и јавниот превоз.