Естерјетланд (округ)

Естерјетланд
Естерјетланд; Östergötlands län
	Округ
Грб	;
Земја	Шведска
Админ. центар	Линшепинг
Управа
• Управник	Елизабет Нилсон
• Совет	Окружен совет на Естерјетланд
Површина
• Вкупна	10.562 км2 (4,078 ми2)
Население (31 март 2011)
• Вкупно	429.852
• Густина	41/км2 (110/ми2)
Час. појас	CET (UTC+1)
• Лето (ЛСВ)	CEST (UTC+2)
БДП (ном.)	97.387 милиони круни (2004)
БДП/жит	236.000 круни
NUTS	SE123

Естерјетланд (шведски: Östergötlands län) — округ (län) во југоисточна Шведска. Се граничи со округот Калмар на југоисток, Јеншепинг на југозапад, Вестра Јеталанд на запад, Еребру на северозапад, Седерманланд на североисток и Балтичкото Море на исток.

Населението брои 429.852 жители, а административен центар е најголемиот град Линшепинг. Линшепинг и соседниот град Норшепинг заедно образуваат една од најголемите населени области во Шведска. Коридорот Линшепинг-Норшешинг се нарекува „четвртата метрополитенска област“ на Шведска, покрај областите на Стокхолм, Гетеборг и Малме.

Покраина

Округот ја опфаќа поранешната покраина Естерјетланд во целост. Нивните граници се идентични.

Управа

Главна цел на окружниот административен одбор е спроведување на целите утврдени во парламентот и владата, усогласување на локалните и државните интереси, унапредување на развојот во округот, воспоставување на регионални цели, запазување на јавниот ред и раководење со правните постапки. Окружниот административен одбор е владина служба на чие чело стои управник.

Окружниот совет на Естерјетланд (Landstinget i Östergötland) е задолжен за здравството и јавниот превоз.