Гевгелиско-валандовска Котлина

Гевг-валанд. Котлина

Местоположба на Гевгелиско-валандовската Котлина во Македонија

Гевгелиско-валандовска Котлина — котлина во областа Бојмија, Јужна Македонија и преку границата со денешна Грција. Ограничена е со водоразделните линии по планините Кожуф, Марјанска, Плауш, Беласица, Боска и Карабалија. Се простира по течението на Вардар од селото Удово на север до Циганската Клисура на југ, која се наоѓа во Кукушкиот Округ, Егејска Македонија. Котлината зафаќа вкупна површина од 1000 км², а се протега на надморска височина од 46 до 2.100 м.^[1] Ова е едно од најтоплите места во Р Македонија; се одликува со изменетосредоземноморска клима^[2] со средногодишна темепратура од 14,2 °C и годишни врнежи од 694,6 мм.^[3]

• Валандовско Поле — на надморска височина од 50 до 200 м и зафаќа 115 км²
• Гевгелиско Поле — на надморска височина од 46-200 м и зафаќа 249,4 км^2[1]

Поради големата висинска меѓу дното на котлината и највисоките делови на Кожуф, реките носат големи количини материјал, кој го таложат во облик на плавини. Особено се истакнуваат геолошки поновите плавини на реките Конска, Кованска и Серменинска, на кои се расположени населени места.

Котлината има повеќе ридови високи од 30 до 50 м. Позабележителни се:

• Вардарски Рид кај железничката станица
• Мрзенечко Брдо кај с. Мрзенци
• Рудина Чука кај с. Стојаково
• Голо Брдо кај некогашното с. Побрегово
• Литивка кај с. Богородица

• Бојмија
• Циганска Клисура

41°12′N 22°30′E / 41.200°N 22.500°E / 41.200; 22.500