Деветнаесетта македонска ударна бригада

Деветнаесетта македонска ударна бригада
Борци на бригадата „Гоце Делчев“ за време на дефиле во ослободено Скопје, ноември 1944
Активна	10 октомври 1944 – 6 декември 1944
Битки	Завршни операции за ослободување на Македонија
Команданти
Истакнати команданти	Благој Левков

Деветнаесеттата македонска ударна бригада (позната и како Бригада „Гоце Делчев“) била формирана на 8 октомври^[1] 1944 година во село Лаки, Виничко, на планината Плачковица. Била формирана од еден баталјон од борците на Македонската бригада „Гоце Делчев“, делови на Тринаесеттата македонска бригада и новопристигнати борци. Била во составот на Педесеттата македонска дивизија на НОВЈ. Наскоро нараснала на 1.144 борци и старешини, на 13 ноември 1944 година, а потоа на 1.429 борци на 25 ноември 1944 година.

Командниот состав на бригадата го сочинувале:^[1]

• Благој Левков, командант

Политички комесар бил:

• Боро Симеонов
• Вукашин Шоќ

Во составот на бригадата делувале четири баталјони, еден придружен и еден извидувачки вод.^[1] Дејствувала на комуникациите Штип-Радовиш и Штип-Кочани, спречувајќи го повлекувањето на германските сили кои се повлекувале на север. Позначајни борби во рамките на овие операции се воделе кај село Тернаци и с. Кучичино на 30 октомври 1944 година, и кај селото Калаузлија на 4 ноември 1944 година.^[1]

По ослободувањето на Штип, учествувала во борбите против балистите и во ослободувањето на Тетово на 19 ноември 1944 година. Со декемвриската реорганизација, бригадата била расформирана на 6 декември 1944 година, а главнината влегла во составот на Четиринаесеттата македонска младинска ударна бригада „Димитар Влахов“.

п р у Македонски бригади во Народноослободителната војска на Југославија Главен штаб Прва македонско-косовска Прва македонска Прва македонска автобригада Втора македонска Трета македонска Четврта македонска Четврта македонска албанска Петта македонска Шеста македонска Седма македонска Осма македонска Деветта македонска Десетта македонска Единаесетта македонска Дванаесетта македонска Тринаесетта македонска Бригада „Гоце Делчев“ Четиринаесетта македонска Петнаесетта македонска Петнаесетта крушевска македонска Шеснаесетта македонска Седумнаесетта македонска Осумнаесетта македонска Деветнаесетта македонска Дваесетта македонска Дваесет и прва македонска Прва егејска