Единаесетта македонска ударна бригада

Единаесеттата македонска ударна бригада (позната и како Единаесеттата кумановска бригада) била формирана во село Пелинце, Кумановско на 27 август 1944 година. Била формирана од вкупно 370 новопристигнати борци од Кумановско, Кривопаланечко и Кратовско. Формациски имала три пешадиски баталјона, два кумановски иеден кратовски, и дејствувала во Кумановската дивизија.^[1]

Командниот состав на бригадата го сочинувале:^[1]

• Јордан Цеков - Дане, командант од 27 август 1944 година

Политички комесар бил:

• Перо Ивановски - Тиквар, до 25 септември 1944 година

Политички комесар на чета

• Ристо Попов^[2]

Во текот на еден месец постоење, оваа бригада имала низа успешни борби. Учествувала во борби против бугарската војска кај железничката станица Глишиќ кај Куманово на 30 и 31 август 1944 година, при што успеала да ја разруши пругата во должина од 150 метри.^[1]

На 2 септрмври во Берово, и на 5 септември кај с. Страцин водела борби со бугарската војска, а на 8 септември учествувала во нападот и борбите за ослободување на Берово и го ослободила градот. На 9 септември го ослободила Кратово, разоружала една бугарска дивизија во с. Довезенце, Кумановско на 10 септември, а на 14 септември 1944 година учествувала во ослободување на Свети Николе. Во наредниот период, бригадата водела диверзантски акции на патот Велес-Скопје.

На 20 септември 1944 година била расформирана, односно Првиот и Вториот кумановски баталјон кои биле во нејзин состав, влегле во составот на Третата македонска ударна бригада, а Третиот кратовски баталјон кој бил во нејзин состав, останал самостојно да дејствува во Свети Николе.

п р у Македонски бригади во Народноослободителната војска на Југославија Главен штаб Прва македонско-косовска Прва македонска Прва македонска автобригада Втора македонска Трета македонска Четврта македонска Четврта македонска албанска Петта македонска Шеста македонска Седма македонска Осма македонска Деветта македонска Десетта македонска Единаесетта македонска Дванаесетта македонска Тринаесетта македонска Бригада „Гоце Делчев“ Четиринаесетта македонска Петнаесетта македонска Петнаесетта крушевска македонска Шеснаесетта македонска Седумнаесетта македонска Осумнаесетта македонска Деветнаесетта македонска Дваесетта македонска Дваесет и прва македонска Прва егејска