Зеќир Рамчиловиќ

Зеќир Рамчиловиќ
Роден(а)	16 март 1975 Долно Коњари, Скопско, СР Македонија
Занимање	политичар, историчар

Зеќир Рамчиловиќ (босанскиː Zećir Ramčilović; Долно Коњари, Скопско, 16 март 1975) - македонски историчар, публицист и пратеник во Македонското Собрание во составот од 2016 година^[1] и потпретседател на Собранието од ноември 2019.^[2]

Рамчиловиќ е роден во скопското село Долно Коњари на 16 март 1975 година. Toj е историчар и истражувач кој покрај ориенталистика, се занимава со периодот помеѓу двете светски војни во Македонија, како и со процесите врзани за Бошњаците во минатото и денес. Автор е на повеќе научни трудови. Вработен е во Институт за национална историја при Универзитет „Св. Кирил и Методиј“. На Локални избори во Македонија (2013) бил избран за Советник во Општина Петровец од Група граѓани. Рамчиловиќ e Потпретседател на Здружението за културно обединување на Бошњаците од Македонија „АВАЗ“. На Парламентарните избори во 2016 година, бил избран за пратеник од АВАЗ во Коалицијата за подобра Македонија, предводена од ВМРО-ДПМНЕ.

• Бошњаците во Македонија во текот на XX век, БКЗ, Скопје, 2014 г.;^[3]
• Познати Бошњаци од Македонија, Шадрван, Скопје, 2014 г.;^[4]
• Македонија во Географијата на Ал-Идриси, ИНИ, Диван, Скопје, 2017 г.;^[5]
• Петровец – вчера, денес, утре, Општина Петровец, Диван, Скопје, 2018 г
• Зборови со персиско потекло во македонскиот јазик, Диван, Скопје, 2019.^[6][7]
• Надгробни споменици од османскиот период во атарот на Средно Коњари, Скопско, Диван, Скопје, 2019.