Знаме на Вануату — официјалното знаме на државата усвоено на 13 февруари 1980 година. Боите на знамето потекнуваат од боите на знамето на политичката партија која се изборила за независност на државата, додека дизајнот бил усвоен врз основа на предлог од локален уметник.
Дизајн
Знамето на Вануату е составено од две хоризонтални ленти во црвена и зелена боја. Двете ленти се разгранчени од црвна лена низ која поминува потенка златна лента. Црната и златната лента составуваат црн триаголник со златни граници. На црниот триаголник има два прекрстени златни листа од папрат (намеле) и коска од вепер.
Симболика
Коската од веперот симболизира просперитет бидејќи свињите во очите на Вануаќаните се богатство и поради фактот што за да може коската од свињата (забот) да се извие спирално истата треба да се храни, што пак автоматски означува дека стопанот е со статус и богатство и има можност да ѝ даде на свињата сè што е потребно. Исто така, забот се носи како орнамент од островјаните. Папратот симболизира мир и 39 листиња на папратот ги претставуваат 39 членови на вануатското собрание.[1]
Жолтата боја на знамето симболизира сончева светлина (мир и просветителство донесено од Христијаните) и Христијанството. Зелената боја го симболизира богатството на островите. Црвената боја ја симболизира крвта на луѓето и свињите (при ритуални обреди, моќ на традицијата). Црната боја го симболизира меланезискиот народ. Премиерот (тогашен) побарал да се постават златни граници, заедно со црвните, за да се потенцира бојата која го симболизира народот. Златната и црната граница се во форма на буквата Y, што грубо одговара со местоположбата и географската распореденост на островите во океанот.[1]
Останати знамиња
 |
| Детал од знамето на Вануату. Коската и папратот. |
|
 |
 Морепловно знаме |
|
 |
| Претседателско знаме на Вануату |
|
- повеќе...
Наводи
Поврзано
Надворешни врски
Знаме на Океанија |
|---|
| | Држави | |
|---|
| Зависни
територии | |
|---|
| 1 Држави кои се сметаат како дел од друг континент, во овој случај Азија. |
|
