Илија Џувалековски

Илија Џувалековски
Роден(а)	20 декември 1915 Прилеп, Македонија
Починал(а)	18 октомври 2004(2004-10-18) (возр. 88) Скопје, Македонија
Националност	Македонец
Активен период	1941 - 1996
Познат(а) по	по улогата во: Фросина Мис Стон Волчја ноќ Кота 905 Денови на искушение Црвениот коњ Чорбаџи Теодос Републиката во пламен

Илија Џувалековски (20 декември 1915 во Прилеп - 18 октомври 2004 во Скопје) — македонски театарски, филмски и телевизиски глумец, режисер и педагог.^[1]

Пред Втората светска војна студирал Музичка академија во Белград каде што пеел македонски изворни песни за Радио Белград се до 1941 година. Во август 1944 година заминал на Вис каде под раководство на Вјекослав Африќ настапувал во Театарот на Народното ослободување. По кратко време заминал во Москва каде што станал член на уредувачкиот одбор на радио-станицата „Слободна Југославија“.

Во 1945 година се вратил во Македонија и се решил за глумечка кариера. Првите успеси ги постигнал во Македонскиот народен театар во Скопје. Тој е еден од најангажираните и нај познати македонски театарски и филмски глумци заедно со: Петре Прличко, Кирил Ќортошев, Тодор Николовски, Ристо Шишков и Илија Милчин.

Во 1964 година заминал во Загреб каде настапувал за Хрватскиот народен театар, а од 1967 ја водел катедрата за глума на македонски јазик при Академијата за театар, филм и телевизија.

Во Скопје се вратил во 1972 година и продолжил со својата педагошка работа на Факултетот за драмски уметности, а истовремено и со својата глумечка кариера, како на домашната, така и на меѓународната сцена.

Џувалековски има настапувано како:

• Поцко („Чорбаџи Теодос“);
• Виќа („Сомнително лице“);
• Отело во истоименото дело;
• Егор Буличов во истоименото дело;
• Гоце во истоименото дело;
• Тетерев („Малограѓани“);
• Сатин („На дното“);
• Игнациј Глембај („Господа Глембаеви“);
• Лембах („Во агонија“);
• Луков („Црнила“);
• Симон („Габи");
• Лир („Крал Лир“);
• Таткото („Црна дупка“);
• Академикот („Бунт во домот за старци");
• и други.

• Во 1977 година е добитник на наградата „АВНОЈ“;
• Во 1982 година ја добива наградата за улогата на „Симон“ во претставата „Габи“;
• Во 1983 година ја доби и наградата „11 Октомври“ за животно дело; и
• Во 1990 година ја добива наградата за животно дело „Војдан Чернодрински“.

• Биографија на Македонскиот информациски филмски центар Архивирано на 18 март 2007 г.
• Илија Џувалековски на Семрежната филмска база на податоци (англиски)