Паоло Тиралонго

Паоло Тиралонго

Тиралонго на Тур де Романди 2011
Лични податоци
Цело име	Паоло Тиралонго
Роден	8 јули 1977(1977-07-08) (47 г.) Авола,  Италија
Висина	1,68 м
Маса	56 кг
Податоци за клубот
Мом. клуб	пензиониран
Дисциплина	друмски велосипедизам
Улога	возач
Вид на возач	специјалист за искачување
Професионални клубови
2000–2002 2003–2005 2006–2009 2010–2017	Фаса Бортоло Керамиче Панарија-Фјордо Лампре-Фондитал Астана
Значајни победи
Голема трка Џиро д’Италија 3 поединечни етапи (2011, 2012, 2015) Вуелта а Еспања 1 етапа (ТТТ) (2013)

Паоло Тиралонго (италијански: Paolo Tiralongo; р. 8 јули 1977 во Авола) — поранешен италијански професионален друмски велосипедист, кој професионално настапувал во периодот 2000-2017 година.^[1]

Во 2009 година, додека возел за Лампре-НГЦ, Тиралонго го забележал најдобриот пласман на Гранд Тур, завршувајќи на Вуелта а Еспања на осмото место откако постојано возел добро на планинските етапи. Доцнел нешто помалку од девет минути во однос на победникот, Шпанецот Алехандро Валверде од Кес д’Епарњ.^[2] Се придружил на Астана за сезоната 2010 со двегодишен договор.^[3] Во 2011, Тиралонго победил на етапата 19 на Џиро д’Италија, завршница на врв. Нападнал во последните километри и јасно се одвоил од водечката група, но бил придружен од Алберто Контадор (Саксо Банк-СанГард) во последните неколку метри. Прв дошол до целта, со што ја освоил првата победа по повеќе од десет години.^[4]

Во 2012 година, ја освоил седмата етапа на Џиро д’Италија, која завршувала на врвот на Рока ди Камбио. На 500 метри пред крајот, возачот на Астана нападнал по воведниот напад од Микеле Скарпони од Лампре-ИСД и го поминал Скарпони во последните 100 метри, остварувајќи ја својата втора победа во кариерата на етапа на Џиро д’Италија.^[5]

На 24 април 2015 година, Тиралонго ја освоил првата победа во сезоната на последната етапа на Џиро дел Трентино. Го поминал последното искачување со мала водечка група и го освоил спринтот по спустот.^[6] На 17 мај ја освоил деветтата етапа на Џиро д’Италија.

Голема трка	2000	2001	2002	2003	2004	2005	2006	2007	2008	2009	2010	2011	2012	2013	2014	2015	2016	2017
Џиро	—	—	—	СО	—	32	15	26	—	37	СО	18	23	99	45	19	—	83
Тур	—	—	—	—	—	—	69	—	46	—	53	СО	—	—	—	—	74	—
Вуелта	96	—	43	—	—	—	—	СО	27	8	—	—	38	51	33	СО	—	—

СО = се откажал; — = не учествувал

„Паоло Тиралонго“ на Ризницата ?

• „Достигнувања на Паоло Тиралонго“. Cycling Archives.
• „Достигнувања на Паоло Тиралонго“. Cycling Quotient.
• „Достигнувања на Паоло Тиралонго“. ProCycling.
• Профил на Cycling Base Архивирано на 10 ноември 2013 г.
• Паоло Тиралонго на Trap-Friis.dk