Пресуда (македонски филм)

„Пресуда“
Режисер	Трајче Попов
Сценарист	Јово Камберски
Главни улоги	Жарко Радиќ Петре Арсовски Благоја Чоревски Славица Зафировска Драги Костовски Борис Чоревски Младен Крстевски Кирил Псалтиров Ѓокица Лукаревски Ванчо Петрушевски Мето Јовановски Илија Милчин Мирче Доневски Јорданчо Чевревски
Жанр	драма, воен
Музика	Томислав Зографски
Кинематографија	Мишо Самоиловски
Монтажа	Димитар Грбевски
Дистрибутер	Македонија филм Вардар филм
Премиера	1977
Времетраење	110 мин
Земја	Македонија
Јазик	македонски

„Пресуда“ — македонски филм од 1977 година. Го режирал Трајче Попов, а сценариото го напишал Јово Камберски.

При еден судир со непријателот, во однапред изгубена битка и ризик да се умре залудно, партизанот Митко Ангелов бега од бојното поле. Се качува на воз и оди да ја види мајка си која штотуку се вратила од интернација. Кога се вратил во бригадата, Митко бил прогласен за дезертер, бил разоружен и врзан. Немајќи оружје, со други партизани, оди во патрола и акција за преземање оружје од Германците. При акцијата загинуваат сите партизани освен Митко и Ване кој е сериозно ранет. Митко мисли дека и Ване е загинат и се враќа во бригадата. Командантот не му поверувал и тој е затворен. Во меѓувреме ранетиот борец Ване доаѓа во бригадата и ја раскажува приказната за херојската борба предводена од Митко. Истовремено, воениот суд го осудува Митко на смрт заради дезертерство.

Останати улоги  ▼

• Пресуда на Семрежната филмска база на податоци (англиски)
• Кинотека на Македонија