Рудник „Радуша“

Радуша — поранешен рудник на хромова руда, кој се наоѓа на 18 километри северозападно од градот Скопје. Околу рудникот била создадена рудничка колонија, која и денес се води како посебна административна единица со името Рудник Радуша.^[1] Рудникот влегувал во рамки на ХЕК „Југохром“.

На местото на депонијата на рудникот се создало езеро Радуша (акумулација „Такбол“), откако рудникот престанал да работи.^[2]

Радушкиот масив е најголем (околу 70 километри) и се смета за најрудоносен. Во неговиот подински дел преовладуваат дунити и харцбургити, каде што се и најзначајните рудни тела. Средната зона на масивот е изградена од харцбургити и лерзолити, каде што хромната минерализација е незначајна. Во кровинскиот дел дунитите се позастапени и минерализацијата е поприсутна. Хромните рудни тела се поврзани за дунитите со едноставна минерализација. Вкупните рудни резерви се 649.905 тони.^[1]

Рудникот не бил оштетен за време на Скопскиот земјотрес, но сите негови инженери освен еден настрадале во земјотресот.^[3]

Рудникот Радуша заминал во банкрот во 1974 година.^[2]

• 
  Објект од поранешниот рудник Радуша
• 
  Објект од поранешниот рудник Радуша
• 
  Поранешен управен објект
• 
  Објект од поранешниот рудник Радуша
• 
  Рудник Радуша

• Хром
• ХЕК „Југохром“
• Рудник Радуша
• Радуша

42°05′04″N 21°13′35″E / 42.08444°N 21.22639°E / 42.08444; 21.22639