Србољуб Спасовски

Србољуб Спасовски
	1977 – † 11.10.2001 (24 г.)
	;
Прекар:	«Србо»
Роден во:	Куманово, СР Македонија, СФРЈ
Починал во:	Маврово
Служба во:	Македонија
Чин:	Полициски резервист
Битки/војни:	Војна во Македонија 2001 ; Операција MX-1 и МХ-2;
Одличја:	Медал за храброст

Србољуб Спасовски (Куманово, 1977 – Маврово, 11 октомври 2001) — македонски бранител, полициски резервист и учесник во воениот конфликт во Македонија во 2001 година. Спасовски бил исто така репрезентативец на македонската карате репрезентација. Загинал на 11 октомври 2001 година во Маврово во несреќен случај.^[1]

Животопис

Живот, војната 2001 година и смрт

Србољуб Спасовски е роден во 1977 година во Кумановско, но израснал во Горно Коњаре од каде биле и неговите родители. Тој бил каратист, репрезентативец на Македонија. Србољуб од почетокот на воениот конфликт 2001 година бил полициски резервист. Во октовмри 2001 година, тој бил во Маврово на обука каде што требал да полага приемни тестови за да добие вработување во МВР. Спасовски загинал во својата хотелска соба додека неговиот колега го чистел службениот пиштол. Неговиот другар при чистењето на пиштолот не го извадил шаржерот и не сакајќи испукал еден куршум. Куршумот смртно го погодил Спасовски во градите. Првичните информации на МВР беа дека станува збор за несреќен случај. Според непотврдени информации, дошло до пресметка меѓу самите припадници на интервентните полициски сили.^[2] Загинува на 24 годишна возраст. Неофицијално, неговите родители и роднини се убедени дека не се работи за несреќен случај, туку дека Спасовски бил убиен. МВР ја демантираше оваа информација.^[3] Погребан е на гробиштата во родното Горно Коњаре.