Универзитет на Југоисточна Европа

Универзитет на Југоисточна Европа
	Universiteti i Evropës Juglindore; South East European University
	Лого на универзитетот
	латински: Universitas Evropae Orientalis Meridionalis
Вид	приватно-јавен непрофтен
Основан	2001
Ректор	проф. д-р Абдилменаф Беџети
Студенти	7000
Место	Тетово, Македонија
Кампус	Тетово, Скопје
Мреж. место	seeu.edu.mk

Универзитет на Југоисточна Европа или УЈИЕ (албански: Universiteti i Evropës Juglindore, EJL; англиски: South East European University, SEEU), порано наречен и Штулов универзитет — јавно-приватен универзитет со своите два кампуса во Тетово и Скопје. Главното седиште на универзитетот е во Тетово и формиран е во 2000 година.

Историја

Изградбата на Универзитетот започнала во март 2001 и Универзитетот на Југоисточна Европа (УЈИЕ) се отворил шест месеци подоцна со 900 студенти. Во октомври 2002 бројот на студентитите се покачил на 2250, а во октомври 2003 г. УЈИЕ имал 3.700 студенти. Целокупниот сегашен број на студенти во УЈИЕ е 5200.

Универзитетот има политика на флексибилно учење на јазиците, но во исто време обезбедува и курсеви на македонски, албански и англиски јазик. Сите студенти го изучуваат англискиот јазик.

Почетната фаза на развојот на универзитетот била овозможна со помош на донациите на земјите од ОБСЕ и ЕУ и САД од околу 36 милиони евра. Дел од придонесот на САД е обврзан со три годишната соработка со Универзитетот на Индијана кој дал поддршка на развојот на факултетите и наставниот план.

Капацитет

Рангирање на високообразовните институции во Македонија за 2013-2014 ^[2]
Универзитет	Резултат
Универзитет „Св. Кирил и Методиј“	100
Универзитет „Гоце Делчев“	85,9
Универзитет на Југоисточна Европа	84,3
Универзитет за информатички науки и технологии „Свети апостол Павле“	83,9
Универзитет „Св. Климент Охридски“	83
Универзитет Американ Колеџ Скопје	80,7
Меѓународен балкански универзитет	75,5
ФОН Универзитет	58,9
Државен универзитет во Тетово	56,4
Европски универзитет	47,6
Приватна висока стручна школа за новинарство и односи со јавност	46,8
Приватна висока стручна школа „Еуроколеџ“ − Куманово	46
Приватна висока стручна школа „Факултет за бизнис економија“ − НЕОКОМ	45,7
Универзитет за туризам и менаџмент	43,2
Меѓународен универзитет Струга	41,8
Меѓународен славјански институт „Г.Р. Державин“	41,7
МИТ универзитет	41
Приватна висока стручна школа „Бизнис академија Смилевски“	40,3
Универзитет за аудиовизуелни уметности ЕСРА	35,5
Универзитет Евро-Балкан	20,8

Универзитетот зафаќа функционални простории вклучувајќи три амфитеатри, приближно околу 50 простории за предавање, канцаларии за кадарот, три центри за компјутери, библиотека „Макс ван дер Штул“ и станбено сместување за 450 студенти.

Сите курсеви се модуларни и го следат примерот на Европскиот кредит трансфер систем.

Формални договори за соработка Универзитетот има потпишано со Универзитетот Нант и Универзитетот Анже и Рен, Универзитетот од Приштина, Универзитетот од Тирана и Универзитетот од Питсбург во Пенсилванија, САД.

Факултети

Универзитетот располага со следните факултети:

Факултет за јазици, култури и комуникации
- Катедра за англиски јазик и студии
- Катедра за германски јазик и студии
- Катедра за албански јазик и студии
- Катедра за француски јазик и студии
Правен Факултет
Факултет за бизнис администрација
Факултет за јавна администрација и политички науки
Факултет за современи науки и технологии
Факултет за здравствени науки