Шупла Стена

Шупла Стена
Поглед на врвот Шупла Стена
Висина	&100000000000024310000002.431 м
Место	Македонија Македонија Албанија
Венец	Кораб
Прво освојување	непознато

Шупла Стена — врв во средишниот дел на главниот срт на протегање на планината Кораб, во Република Македонија. Неговата височина изнесува 2.431 метар.^[1]

Се наоѓа во средишниот дел на планината Кораб на главниот срт, во непосредна близина односно на самата гранична линија меѓу Македонија и Албанија. Според местоположбата на врвот Шупла Стена се наоѓа на координатите 41°43'29" северна географска широчина и 20°31'06" источна географска должина^[1]. Сместен е на главниот срт на протегање на планината Кораб, помеѓу врвовите Црн Камен (2404 м.) и Дерза (2403 м.) веднаш непосредно на север и превојот Шкртец (2020 м.) и малото зарамнето поле Фуша е Лимует на југ. Во неговата најнепосредна близина, на истиот планински гребен определен со превоите Шкртец и Цигански Проход, со Шупла Стена се и зашилените остри врвови Црн Камен и Дерза, поради што погледнати од повеќе места од далечина тие три врвови даваат особено убава налик „алпска“ глетка. Шупла Стена се одликува со многу величествена глетка, каде источната падина е многу грамадна и огромна, прошарана со бујна трева и сипар од ситни раздробени камења, додека западната е стрмна пресечена карпа при што сртот на самиот врв е многу тесен, карпест и раздробен односно испресечен со провалии од двете страни. Веднаш под сртот непосредно под врвот, помеѓу две карпести плочи кои го сочинуваат сртот, има поголема кружна дупка, процеп која делува и му дава изглед на врвот и самата стена како да е шуплива, што впрочем и самите карпи на врвот се шупливи, поради што најверојатно врвот го добил името Шупла Стена. На постарите топографски карти врвот е запишуван и како Шуплја/Шупља Стена, најверојатно под влијание на југословенското картографирање на српскохрватски, додека во некои пишани извори врвот е познат и како Шуплив Камен^[1]. Искачувањето на врвот Шупла Стена е многу тешко бидејќи неговите падини се многу стрмни, при што југоисточната е повеќе тревната, а северната и западната се каменести и земјени каде има опасност од лизгање. Самата највисока точка на врвот е многу тесна, при што на нејзе има место сда застанат највеќе 3 до 4 луѓе. Врвот Шупла Стена може да се искачи по доброразгазената граничарска патека која води и го заобиколува по неговата јужна, источна и северна падина, а најдобрата можност за искачување е по тревнатата југоисточна падина низ малото зарамнето поле Фуша е Лимует, веднаш на неговото југоисточно подножје.

• 
  Поглед на Шупла Стена од север-североисток
• 
  Поглед на Шупла Стена (во преден план) со Црн Камен и Дерза во позадината
• 
  Поглед на Шупла Стена од југоисток
• 
  Тесниот и раздробен-испресечен срт со провалии од двете страни, на највисоката точка на Шупла Стена
• 
  Поглед на врвовите Шупла Стена (лево), Црн Камен (средина) и Дерза десно од брегот на Бачилско Езеро

п р у Кораб Врвови Голем Кораб (2.764 м)  • Кораб 2 (2.753 м)  • Кораб 3 (2.745 м)  • Малокорапска Стена (Мала Корапска Врата) (2.727 м)  • Радомирски Врв (2.716 м)  • Мал Кораб (2.683 м)  • Кепи Бард (2.589 м)  • Црна Чука (2.572 м)  • Бел Врв (2.532 м)  • Боази (2.495 м)  • Бели Јами (2.494 м)  • Шупла Стена (2.431 м)  • Црн Камен (2.404 м)  • Дерза (2.403 м)  • Цигански Врв (2.398 м)  • Кабаш (2.391 м)  • Свртен Камен (2.380 м)  • Црвен Камен (Гури Куј) (2.380 м)  • Зиберова Кула (2.377 м)  • Нистровски Кораб (2.356 м)  • Рибничка Скала (2.305 м)  • Ливадички Врв (2.274 м)  • Црн Камен (Кобилино Поле) (2.248 м)  • Високо Брдо (2.245 м)  • Плоча (2.233 м)  • Јаворско Брдо (2.155 м)  • Капи Џамија (2.116 м)  • Куртово Ќуле (2.082 м)  • Шило (2.044 м)  • Пирк (2.036 м)  • Махија Мада (Спасенов Рид) (2.002 м)  • Бабин Камен (1.956 м)  • Пројжаба (1.939 м)  • Бачилски Камен (1.928 м)  • Црн Камен (Врбјани) (1.885 м) Езера Големокорапско Езеро  • Чукино Езеро  • Малокорапско Езеро  • Изгревно Езеро  • Кобилино Езеро  • Горно Радомирско Езеро  • Шилско Езеро  • Мало Грамско Езеро  • Големо Грамско Езеро  • Бачилско Езеро  • Бабино Езеро  • Долно Радомирско Езеро  • Средно Езеро  • Долно Езеро  • Извирско Езеро  • Црно Езеро Реки Рибничка Река  • Радомирска Река  • Штировица  • Длабока Река  • Шерупска Река  • Грекајска Река  • Таировска Река  • Габровскa Река  • Дагон Водопади Корапски (Пројфелски) водопад Седла Голема Корапска Врата (2062 м)  • Мала Корапска Врата (2478 м)  • Цигански Премин (2305 м)  • Шкртец (2020 м)  • Пралуга (1675 м) Висроамнини и полиња Кобилино Поле  • Грамско Поле  • Фуша е Лимует Долини Беланџа  • Грека  • Чапарец  • Чардак