ആണ്ടാമുക്കം സിറ്റി ബസ് സ്റ്റാൻഡ്

ഇംഗ്ലീഷ് വിലാസം

https://ml.wikipedia.org/wiki/Andamukkam_City_Bus_Stand

ആണ്ടാമുക്കം സിറ്റി ബസ് സ്റ്റാൻഡ് ആണ്ടാമുക്കം സിറ്റി ബസ്സ്‌ സ്റ്റാൻഡ്
ആണ്ടാമുക്കം സിറ്റി ബസ് സ്റ്റാൻഡ്
General information
Location	ആണ്ടാമുക്കം, കൊല്ലം  ഇന്ത്യ
Coordinates	8°52′59.5″N 76°35′20.5″E / 8.883194°N 76.589028°E / 8.883194; 76.589028
Owned by	കൊല്ലം കോർപ്പറേഷൻ
Operated by	കൊല്ലം കോർപ്പറേഷൻ
Construction
Structure type	At Grade
Parking	ഇല്ല
History
Opened	2008

കൊല്ലം നഗരത്തിലുള്ള രണ്ട് പ്രധാനപ്പെട്ട ബസ് സ്റ്റാൻഡുകളിലൊന്നാണ് ആണ്ടാമുക്കം സിറ്റി ബസ് സ്റ്റാൻഡ് (ഇംഗ്ലീഷ്: Andamukkam City Bus Stand). കൊല്ലം ഡൗൺടൗൺ ഭാഗത്തുള്ള ആണ്ടാമുക്കത്ത് സ്ഥിതിചെയ്യുന്ന ഈ ബസ് സ്റ്റാൻഡിനെ ആണ്ടാമുക്കം പ്രൈവറ്റ് ബസ് സ്റ്റാൻഡ് എന്നും വിളിക്കാറുണ്ട്.^[1] ചിന്നക്കടയിൽ നിന്നാരംഭിച്ച് നഗരത്തിന്റെ വിവിധ ഭാഗങ്ങളിലേക്കു പോകുന്ന സ്വകാര്യ ബസ്സുകൾക്കും കെ.എസ്.ആർ.ടി.സി. ബസ്സുകൾക്കും വേണ്ടിയാണ് ഈ സ്റ്റാൻഡ് നിർമ്മിച്ചിരിക്കുന്നത്. കൊട്ടിയം, മയ്യനാട്, ഇളംപള്ളൂർ, ശക്തികുളങ്ങര, ചവറ, തോപ്പിൽ കടവ്, പ്രാക്കുളം, കടവൂർ, പെരുമൺ എന്നീ സ്ഥലങ്ങളിലേക്കുള്ള ബസ്സുകളാണ് ആണ്ടാമുക്കം സ്റ്റാൻഡിൽ നിന്നു സർവീസ് നടത്തുന്നത്.^[2]

2006 വരെ ചിന്നക്കടയിലാണ് കൊല്ലം സിറ്റി ബസ് സ്റ്റാൻഡ് പ്രവർത്തിച്ചിരുന്നത്. കൊല്ലം കോർപ്പറേഷൻ ചിന്നക്കടയിൽ ഒരു അടിപ്പാത നിർമ്മിക്കുവാൻ തീരുമാനിച്ചതിനെത്തുടർന്ന് 2008-ൽ ജില്ലാ ഗതാഗത ഉപദേശക സമിതിയുടെ നിർദ്ദേശപ്രകാരം ബസ് സ്റ്റാൻഡ് ആണ്ടാമുക്കത്തേക്ക് മാറ്റുകയായിരുന്നു.^[3]

ആണ്ടാമുക്കം ബസ് സ്റ്റാൻഡിനു സമീപമുള്ള സ്ഥാപനങ്ങളാണ്,

• കേരള പബ്ലിക് സർവീസ് കമ്മീഷൻ (പി.എസ്.സി.) ജില്ലാ ഓഫീസ്, മേഖലാ ഓഫീസ്.^[4]
• കോർപ്പറേഷൻ കെട്ടിടം, ആണ്ടാമുക്കം
• കോർപ്പറേഷൻ കെട്ടിടം, ചിന്നക്കട
• ഹോട്ടൽ നാനി.
• ക്വയിലോൺ കോപ്പറേറ്റീവ് അർബൻ ബാങ്ക്