കൊല്ലം കൻ്റോൺമെൻ്റ്

ഇംഗ്ലീഷ് വിലാസം

https://ml.wikipedia.org/wiki/Kollam_Cantonment

കൊല്ലം കന്റോൺമെന്റ് Kollam Cantonment
പട്ടണം
കൊല്ലം കന്റോൺമെന്റ് Location in Kollam, India
Coordinates: 8°52′52″N 76°35′57″E / 8.881160°N 76.599078°E / 8.881160; 76.599078
രാജ്യം	ഇന്ത്യ
സംസ്ഥാനം	കേരളം
പട്ടണം	കൊല്ലം
സമയമേഖല	UTC+5.30 (IST)
ഏരിയ കോഡ്	0474
ലോക്സഭ മണ്ഡലം	കൊല്ലം
ഭരണച്ചുമതല	കൊല്ലം കോർപ്പറേഷൻ
ഉഷ്ണകാല ശരാശരി താപനില	34 °C (93 °F)
ശൈത്യകാല ശരാശരി താപനില	22 °C (72 °F)
വെബ്സൈറ്റ്	http://www.kollam.nic.in

കേരളത്തിൽ കൊല്ലം ജില്ലയിലുള്ള പീരങ്കി മൈതാനത്തിനു സമീപത്തായി സ്ഥിതിചെയ്യുന്ന ഒരു പ്രദേശമാണ് കൊല്ലം കന്റോൺമെന്റ് (മലയാളം: Kollam Cantonment ) അഥവാ ക്വയിലോൺ കന്റോൺമെന്റ്. പതിനേഴാം നൂറ്റാണ്ടിൽ ബ്രിട്ടീഷുകാരുടെ ഒരു കന്റോൺമെന്റ് (സൈനികകേന്ദ്രം) ആയിരുന്ന ഈ പ്രദേശം ഇന്നൊരു ജനവാസ മേഖലയാണ്. ഇവിടെ ധാരാളം വ്യാപാരകേന്ദ്രങ്ങളും സർക്കാർ ഓഫീസുകളും സ്ഥിതിചെയ്യുന്നു. കന്റോൺമെന്റിനു സമീപത്തായി കൊല്ലം ജംഗ്ഷൻ തീവണ്ടിനിലയവുമുണ്ട്.^[1]

നൂറ്റാണ്ടുകൾക്കു മുമ്പ് തന്നെ ഫിനീഷ്യൻമാരും അറബികളും ചൈനക്കാരും കൊല്ലം തുറമുഖവുമായി വാണിജ്യബന്ധം പുലർത്തിയിരുന്നു. പതിനാറു മുതൽ പതിനെട്ടു വരെയുള്ള നൂറ്റാണ്ടുകളിൽ കൊല്ലം പോർച്ചുഗീസുകാരുടെയും ഡച്ചുകാരുടെയും ഇംഗ്ലീഷുകാരുടെയും അധീനതയിലായിരുന്നു.^{[2][3][4][5][6]} ബ്രിട്ടീഷ് ഭരണകാലത്ത് പ്രധാനപ്പെട്ട ചില ഓഫീസുകൾ കൊല്ലത്തുണ്ടായിരുന്നു. ഇവയുടെ സംരക്ഷണത്തിനായി കൊല്ലത്ത് ഒരു സംരക്ഷണസേനയെ വിന്യസിക്കേണ്ടതായി വന്നു. ഈ സൈന്യം താവളമടിച്ചിരുന്നത് പീരങ്കി മൈതാനത്തായിരൂന്നതിനാൽ ഈ മൈതാനത്തെ കന്റോൺമെന്റ് മൈതാനം എന്നും വിളിച്ചിരുന്നു. ബ്രിട്ടീഷുകാർ ഏർപ്പെടുത്തിയ സൈന്യത്തെ പിന്നീട് തിരുവിതാംകൂർ മഹാരാജാവിന്റെ കാവൽ സേനയിൽ ഉൾപ്പെടുത്തി.^[7]

• സി. കേശവൻ മെമ്മോറിയൽ ടൗൺഹാൾ - സ്വാതന്ത്ര്യസമരസേനാനിയും തിരു-കൊച്ചിയുടെ മുൻ മുഖ്യമന്ത്രിയുമായിരുന്ന സി. കേശവന്റെ പേരിൽ നാമകരണം ചെയ്തിരിക്കുന്ന ടൗൺ ഹാൾ കൊല്ലം കന്റോൺമെന്റിൽ സ്ഥിതിചെയ്യുന്നു.^[8][9] ഇവിടെ സി. കേശവന്റെ ഒരു പൂർണ്ണകായ പ്രതിമയും സ്ഥാപിച്ചിട്ടുണ്ട്. ടൗൺഹാളിൽ സാംസ്കാരിക സമ്മേളനങ്ങളും വിവാഹച്ചടങ്ങുകളും നടത്തിവരുന്നു.^[10][11]
• കൊല്ലം ആംഡ് റിസർവ് പോലീസ് ഫോഴ്സ് ക്യാമ്പ് (ഏ. ആർ. ക്യാമ്പ്)
• കൊല്ലം കോർപ്പറേഷൻ ഓഫീസ്
• കൊല്ലം പബ്ലിക് ലൈബ്രറി, സോപാനം ഓഡിറ്റോറിയം
• ശ്രീമൂലം തിരുനാൾ പാലസ് (എസ്.എം.പി. പാലസ്)
• ലാൽ ബഹദൂർ ശാസ്ത്രി സ്റ്റേഡിയം
• കൊല്ലം പാസ്പോർട്ട് സേവാകേന്ദ്രം
• അൽമനാമ സൂപ്പർ മാർക്കറ്റ്