La senta onorada dins lo nom de la comuna es Sancta Eulalia, martirizada a Barcelona en 304 (atestacion de 1053, Sancta Eulalia, puèi del sègle XVI, en francés, Sainte-Aulaye, e del sègle XVIII, totjorn en francés, Sainte-Aulaire) [2]. L'elision de -a final de senta davant la vocala iniciala E-[3], dona *Senta Aulàlia e, per dissimilacion, Senta Aulària (se coneis pas l'òrdre dels dos fenomèns). L'evolucion de l'iniciala en A- es pro generala en occitan e las atestacions dels sègles XVI e XVIII, malgrat tot çò que se pòt supausar de las influéncias graficas d'autres luècs, semblan ne testimoniar. La causida del site de las comunas de Dordonha de conservar fòrt e mòrt E- d'origina, contra las atestacions,en escrivent Senta Eulària per una prononciacion [ʂentɔw’larjɒ] [dɛj’me] [4], confirmada per l'Atlas linguistique... du Languedoc occidental (grafia de l'ALLOc adaptada aicí per necessitat : [çéñt ow'laryo]) [5], sembla donc artificiala, malgrat la prononciacion locala de eu- atòn en [ɔw-']; lo nom de la senta es comprés Aulària. Joan Ros escriviá Senta Aulària d'Aimet[1].
Lo determinant actual es la vila situada a 5,5 km al sud-èst, Aimet.
Comunas de Dordonha en Guiana (comunas actualas, comunas que contenon de comunas delegadas, ancianas comunas, ancianas comunas vengudas comunas delegadas)
Aquesta seccion es voida, pas pro detalhada o incompleta. Vòstra ajuda es benvenguda !
.svg){kind=small}
