ਨਵੋਈ

ਨਵੋਈ Navoiy / Навоий
ਨਵੋਈ ਉਜ਼ਬੇਕਿਸਤਾਨ ਵਿੱਚ ਸਥਿਤੀ
ਗੁਣਕ: 40°05′04″N 65°22′45″E / 40.08444°N 65.37917°E / 40.08444; 65.37917
ਦੇਸ਼	ਉਜ਼ਬੇਕਿਸਤਾਨ
ਖੇਤਰ	ਨਵੋਈ ਖੇਤਰ
ਜ਼ਿਲ੍ਹਾ	ਨਵੋਈ ਜ਼ਿਲ੍ਹਾ
ਸਰਕਾਰ
• ਹੋਕਿਮ (ਮੇਅਰ)	ਬਹੋਦਿਰ ਜੁਰਾਏਵ
ਉੱਚਾਈ	382 m (1,253 ft)
ਆਬਾਦੀ  (2007)
• ਕੁੱਲ	1,25,800
ਡਾਕ ਕੋਡ	210100 - 210109
ਏਰੀਆ ਕੋਡ	+998-79
ਵੈੱਬਸਾਈਟ	www.navoiy.uz

ਨਵੋਈ (ਉਜ਼ਬੇਕ: Navoiy / Навоий; ਰੂਸੀ: Навои) ਦੱਖਣ-ਪੱਛਮੀ ਉਜ਼ਬੇਕਿਸਤਾਨ ਦਾ ਇੱਕ ਸ਼ਹਿਰ ਹੈ। ਇਹ ਨਵੋਈ ਖੇਤਰ ਦੀ ਰਾਜਧਾਨੀ ਹੈ ਅਤੇ ਇਸਦੀ ਅਬਾਦੀ 2007 ਦੇ ਅੰਕੜਿਆਂ ਦੇ ਮੁਤਾਬਿਕ 125,800 ਸੀ।^[1] ਇਸਦੀ ਸਮੁੰਦਰ ਤਲ ਤੋਂ ਉਚਾਈ 382 ਮੀਟਰ ਹੈ। ਇਹ ਅਕਸ਼ਾਂਸ਼ 40 ° 5 '4N ਅਤੇ ਲੰਬਕਾਰ 65° 22' 45E 'ਤੇ ਸਥਿਤ ਹੈ। ਇਸ ਸ਼ਹਿਰ ਦਾ ਨਾਂ ਅਲੀਸ਼ੇਰ ਨਵਾਈ ਦੇ ਨਾਮ ਉੱਪਰ ਰੱਖਿਆ ਗਿਆ ਸੀ।

ਪਹਿਲਾਂ ਇਹ ਬੁਖਾਰਾ ਅਮੀਰਾਤ ਦੇ ਹੇਠਾਂ ਕਰਮੀਨ (ਕਰਮਨ) ਦੇ ਨਾਂ ਨਾਲ ਜਾਣਿਆ ਜਾਂਦਾ ਸੀ, ਇਸ ਸ਼ਹਿਰ ਦੀ ਮੁੜ-ਸਥਾਪਨਾ 1958 ਵਿੱਚ ਮਹਾਨ ਉਜ਼ਬੇਕ ਕਵੀ ਅਤੇ ਸਿਆਸਤਦਾਨ ਅਲੀਸ਼ੇਰ ਨਵਾਈ ਦੇ ਨਾਂ ਉੱਪਰ ਕੀਤੀ ਗਈ, ਜਿਸਨੇ ਫ਼ਾਰਸੀ ਅਤੇ ਚਗਤਾਈ ਵਿੱਚ ਹੇਰਾਤ ਵਿੱਚ ਸੁਲਤਾਨ ਹੁਸੈਨ ਮਿਰਜ਼ਾ ਬੇਕਾਰਾ ਦੇ ਦਰਬਾਰ ਵਿੱਚ ਲਿਖਿਆ।

ਨਵੋਈ ਖੇਤਰ ਵਿੱਚ ਕੁਦਰਤੀ ਗੈਸ ਦੇ ਬਹੁਤ ਵਿਸ਼ਾਲ ਭੰਡਾਰ ਹਨ ਅਤੇ ਹੋਰ ਬਹੁਤ ਮਹਿੰਗੀਆ ਧਾਤਾਂ ਦੇ ਜ਼ਖੀਰੇ ਹਨ। ਇਸ ਤੋਂ ਇਲਾਵਾ ਨਿਰਮਾਣ ਸਮੱਗਰੀ ਦੇ ਉਤਪਾਦਨ ਦੇ ਲਈ ਇਸ ਖੇਤਰ ਵਿੱਚ ਕੱਚੇ ਮਾਲ ਦੇ ਬਹੁਤ ਸਾਰੇ ਭੰਡਾਰ ਹਨ। ਇਸ ਖੇਤਰ ਵਿੱਚ ਦੁਨੀਆ ਦਾ ਸਭ ਤੋਂ ਖਰਾ ਸੋਨਾ ਮਿਲਦਾ ਹੈ ਅਤੇ ਇਹ ਦੇਸ਼ ਦਾ ਸਭ ਤੋਂ ਜ਼ਿਆਦਾ ਖਾਦ ਉਤਪਾਦਨ ਵਾਲਾ ਖੇਤਰ ਹੈ।

ਨਵੋਈ ਮੁਫ਼ਤ ਉਦਯੋਗਿਕ ਆਰਥਿਕ ਜ਼ੋਨ (FIEZ) ਵਿਦੇਸ਼ੀ ਨਿਵੇਸ਼ ਲਈ ਵਿਸ਼ੇਸ਼ ਸ਼ਰਤਾਂ ਨਾਲ ਉਜਬੇਕਿਸਤਾਨ ਦੇ ਨਵੋਈ ਖੇਤਰ ਵਿੱਚ ਬਣਾਇਆ ਗਿਆ ਸੀ, ਜਿਹੜਾ ਕਿ ਨਵੋਈ ਅੰਤਰ-ਰਾਸ਼ਟਰੀ ਹਵਾਈ ਅੱਡੇ ਦੇ ਕਰੀਬ ਹੈ। ਇਹ 30 ਸਾਲਾਂ ਲਈ ਕੰਮ ਕਰੇਗਾ।