அழகிய தமிழ் மகள் என்பது ஜீ தமிழ் தொலைக்காட்சியில் 28 ஆகத்து 2017 முதல் 14 சூன் 2019 ஆம் ஆண்டு வரை திங்கள் முதல் வெள்ளி வரை இரவு 7 மணிக்கு ஒளிபரப்பாகி, 457 அத்தியாயங்களுடன் நிறைவு பெற்ற காதல் விளையாட்டு மற்றும் குடும்பப் பின்னணியை கொண்ட தொலைக்காட்சி நாடகத் தொடர் ஆகும்.[1] இது 'முத்யால முக்கு' என்ற தெலுங்கு மொழித் தொடரின் மறு ஆக்கம் ஆகும்.
இந்த தொடரை சுனில் மற்றும் கவிதாபாரதி ஆகியோர் இயக்க, சீலா ராஜ்குமார், புவியரசு, சத்திய சாய், சுபாலக்ஷ்மி போன்ற பலர் நடித்துள்ளார்கள்.
கதைச்சுருக்கம்
கபடி விளையாடியிலும் படிப்பிலும் ஆர்வம் உள்ள பூங்கொடி என்ற கிராமத்து பெண், மாரி என்ற தோழியுடன் சென்னைக்கு செல்கிறாள் அங்கு அவளுக்கு வரும் தடைகளை தாண்டி எப்படி வெற்றி கொள்கின்றாள் என்பது தான் கதை.
இது ஒரு தெலுங்கு மொழி தொடரின் தமிழ் மறுதயாரிப்பு எனினும் இவ் தொடர் தமிழிருந்து கன்னடம் மொழிக்கு மறுதயாரிப்பு செய்யப்பட்டுள்ளது. அதே தருணம் இந்த தொடரின் பல காட்சிகள் தமிழ் நேயர்களுக்கேட்ப மாற்றப்பட்டுள்ளது என்பது குறிப்பிடத்தக்கது.
