ஆடிக் கார்த்திகை

இந்து சமயப் பிரிவுகள்
கௌமாரம்
கடவுள்கள் முருகன் பெற்றோர் சிவன் பார்வதி உடன்பிறப்பு பிள்ளையார் துணைவியர் தெய்வானை வள்ளி
புனிதச் சின்னங்கள் ஆயுதங்கள் வேல் சேவற் கொடி பறவைகள் மயில் கோழி
புராணம் மகாபுராணங்கள்: கந்த புராணம்
பாடல்கள் திருமுருகாற்றுப்படை திருப்புகழ் கந்தர் அந்தாதி கந்தர் அலங்காரம் கந்தரனுபூதி
அறுபடை வீடுகள் திருப்பரங்குன்றம் சுவாமிமலை திருச்செந்தூர் பழனி திருத்தணி பழமுதிர்சோலை
ஏனைய கோவில்கள் பாரதம் தமிழ்நாடு சென்னிமலை கழுகுமலை மருதமலை பச்சைமலை விராலிமலை குன்றக்குடி சிக்கல் திண்டல் வல்லக்கோட்டை வடபழனி வயலூர் கேரளம் கிடங்கூர் கொடும்பு ஹரிப்பாடு கன்னாடகம் காட்டி குக்கி புதுதில்லி உத்தர சுவாமி மலைக் கோயில் ஈழம் கதிர்காமம் கதிர்காமம் செங்கதிர் வேலன் கோவில் நல்லூர் மலேசியா பத்து மலை பினாங்கு பிரிக்பீல்ட்ஸ் தென்னாப்பிரிக்கா கிளேர்வுட்
திருவிழாக்கள் கார்த்திகை விளக்கீடு தைப்பூசம் பங்குனி உத்தரம் சித்ரா பௌர்ணமி வைகாசி விசாகம் ஆடிக் கார்த்திகை அக்கினி நட்சத்திரம் கந்த சஷ்டி சூரசம்ஹாரம் கார்த்திகை பௌர்ணமி
பின்பற்றுவோர் வாழும் இடங்கள் தென் இந்தியா இலங்கை சிங்கப்பூர் மலேசியா
தொடர்புடைய இனக்குழுக்கள் தமிழர் கன்னடர் மலையாளிகள் சிங்களவர்
கௌமாரம் வலைவாசல் இந்து சமயம் வலைவாசல்
பா உ தொ

ஆடிக் கார்த்திகை என்பது ஆடித் திங்கள் கார்த்திகை நாளில் கொண்டாடப்படும் இந்து சமய விழாவாகும். இவ்விழா நாளில் முருகன் கோயில்களில் சிறப்பு வழிபாடுகள் நடைபெறுகின்றன.^[1] இது தென்னிந்தியா, இலங்கை மற்றும் புலம்பெயர்ந்தோர் இடையில் சிறப்பாகக் கொண்டாடப்படுகிறது.^[2]

பொதுவாக தென்னிந்திய பாரம்பரியத்தின் படி கார்த்திகை நாளே முருகன் வழிபாட்டிற்கு உகந்த நாள் ஆகும். அதிலும் தெய்வ வழிபாடுகள் செய்ய உகந்த ஆடித் திங்களில் வரும் கார்த்திகை நாள் மிகவும் சிறப்பிற்குரியது. ஆடிக் கார்த்திகையில் ஆறுமுகனை வழிபடத் தேடிவரும் நன்மை என்பது தமிழ் ஆன்றோர் வாக்கு ஆகும். ஆடிக் கார்த்திகை நன்னாளில் ஆறுமுகனை வணங்கினால், கர்ம வினைகள் நீங்கும்; செவ்வாய் தோஷம் அகலும்; திருமணத் தடைகள் நீங்கும். சொந்த வீடு, வாகன வசதி, தொழில் அபிவிருத்தி போன்றவை ஸித்திக்கும் என்கின்றனர் அடியார்கள்.^[3]

முருகன் பிறந்தது விசாக நாண்மீன் என்று சொல்லப் பட்டாலும், அவனைப் பாலூட்டி வளர்த்தது ஆறு கார்த்திகைப் பெண்கள் “கார்த்திகை” நாண்மீன்களாக மாறி அன்றைய நாளை ஆடிக் கார்த்திகையாக நோன்பிருந்து வழிபடுகிறார்கள்.^[4] முருகனுக்கு திதிகளில் சஷ்டியும், கிழமைகளில் வெள்ளிக்கிழமையும், நாண்மீன்களில் கார்த்திகையும் சிறப்பு. ஆடித் திங்களிலிருந்து தொடங்கி ஆறுதிங்கள்கள் கார்த்திகை நோன்பு இருந்து தைத் திங்கள் கார்த்திகையில் நோன்பை முடிக்கலாம்.^[5]

நோன்பு இருப்பவர்கள் கடைப்பிடிக்கவேண்டிய பொதுவான நோன்புமுறைகளே இதற்கும் பொருந்தும் என்றாலும் முருகனிற்குரிய நோன்புகளில் உப்பு தவிர்க்கப் படுவதை முக்கியமாய்க் கருதுகின்றனர். உப்பில்லா உணவை எடுத்துக் கொண்டு கார்த்திகை நோன்போ, சஷ்டி நோன்போ இருத்தல் சிறப்பாகவும், உயர்வாகவும் கருதப் படுகிறது.^[6]

மழைக்காலத் தொடக்கமான தென்செலவு பொதுவாக அனைத்து இறை வழிபாடுகளிற்கும் ஏற்றதாகவும், வடசெலவு திருமணம், உபநயனம், புதுமனை புகுதல் போன்ற முக்கிய நிகழ்வுகளிற்கு ஏற்றதாகவும் சொல்லப் படுகிறது. ஆடித் திங்களில் இருந்து வரிசையாக அனைத்துக் கடவுளரையும் வேண்டிச் செய்யும் விழாக்களும், நோன்புகளும் வருகின்றன. தேவர்களின் மாலைக்காலம் என்று சொல்லப் படும் இத்திங்களில் வழிபாடுகள் அதனாலேயே நடத்தப் படுகிறது.

1. ↑ "ஆடிக்கிருத்திகை தினத்தன்று முருகனுக்கு விரத வழிபாடு". மாலைமலர். https://www.maalaimalar.com/Devotional/MainFasts/2018/08/04095955/1181606/aadi-krithigai-viratham.vpf. பார்த்த நாள்: 6 April 2021. 
2. ↑ "ஆடிக்கிருத்திகை.. முருகனின் அருள் கிடைக்கட்டும் - பிரதமர் மோடி தமிழில் வாழ்த்து". News18 Tamil. 2022-07-23. Retrieved 2022-07-23.
3. ↑ சைலபதி. "Aadi Krithigai | ஆடிக் கிருத்திகையின் சிறப்புகள் | வீட்டில் வழிபடுவது எப்படி?| Saraswathi Ramanathan". www.vikatan.com/. Retrieved 2022-07-23.
4. ↑ "இன்று ஆடி கிருத்திகை : கர்ம வினைகள் நீங்க முருகன் வழிபாடு!!". தினகரன் இம் மூலத்தில் இருந்து 3 செப்டம்பர் 2019 அன்று. பரணிடப்பட்டது.. https://web.archive.org/web/20190903062941/http://www.dinakaran.com/Aanmeegam_Detail.asp?Nid=24535. பார்த்த நாள்: 6 April 2021. 
5. ↑ Siva (2021-12-26). "கிருத்திகை விரத நாட்கள் 2021". Dheivegam. Retrieved 2022-07-23.
6. ↑ "ஆடி கிருத்திகை: சகல செல்வங்களும் அள்ளித்தரும் விரத வழிபாடு!". Samayam Tamil. Retrieved 2022-07-23.