இளமை ஊஞ்சலாடுகிறது

இளமை ஊஞ்சலாடுகிறது
இளமை ஊஞ்சலாடுகிறது திரைப்பட ஒலிநாடாவின் அட்டைப்படம்
இயக்கம்	ஸ்ரீதர்
தயாரிப்பு	கண்ணையா, ஸ்ரீ சித்ரா மஹால்
கதை	ஸ்ரீதர்
இசை	இளையராஜா
நடிப்பு	கமல்ஹாசன் ரஜினிகாந்த் ஸ்ரீபிரியா ஜெயசித்ரா
ஒளிப்பதிவு	பி. எஸ். நிவாஷ்
படத்தொகுப்பு	கே. கோபால்ராவ்
வெளியீடு	சூன் 9, 1978
நீளம்	4084 மீட்டர்
நாடு	இந்தியா
மொழி	தமிழ்

இளமை ஊஞ்சலாடுகிறது (Ilamai Oonjal Aadukiradhu) 1978 ஆம் ஆண்டு வெளிவந்த தமிழ்த் திரைப்படமாகும். ஸ்ரீதர் இயக்கத்தில் வெளிவந்த இத்திரைப்படத்தில் கமல்ஹாசன், ரஜினிகாந்த், ஜெயசித்ரா, ஸ்ரீபிரியா மற்றும் பலரும் நடித்திருந்தனர்.^[1]

இத்திரைப்படமானது 175 நாட்கள் மேல் வெற்றிகரமாக ஓடியது. இத்திரைப்படம் அந்த ஆண்டில் சிறந்த திரைப்படத்திற்கான தமிழக அரசு திரைப்பட விருதுகள் வென்றது. இத்திரைப்படம் தெலுங்கில் அதே ஆண்டில் 'வயசு பிலிசின்டி' மற்றும் இந்தியில் 1982 ஆண்டில் 'தில் இ நடான்' எனும் பெயரில் மீண்டும் எடுக்கப்பட்டது.^[2]

• கமல்ஹாசன் - பிரபு
• ரசினிகாந்த் - முரளி
• ஸ்ரீபிரியா - பத்மா
• ஜெயசித்ரா - ஜெயந்தி
• சந்தான பாரதி - (சிறு தோற்றம்)

இப்படத்திற்காக இசையமைக்க முதலில் எம். எஸ். விஸ்வநாதன் முடிவு செய்தார் ஸ்ரீதர். பின்னர் மாறுதல் செய்யப்பட்டு இளையராஜா ஒப்பந்தம் செய்யப்பட்டார். இப்படத்தில் பி. வாசு மற்றும் சந்தான பாரதி உதவி இயக்குநராக பணியாற்றியுள்ளனர்.^[3]

இப்படம் 1978ல் வெளியானது. இளையராஜா இசையமைத்த பாடல்களை எஸ். பி. பாலசுப்ரமணியம், வாணி ஜெயராம், கே. ஜே. யேசுதாஸ், எஸ். ஜானகி, மலேசியா வாசுதேவன் ஆகியோர் பாடியிருந்தனர். பாடல்களை எழுதியவர் கவிஞர் வாலி.

• 1978 ஆம் ஆண்டிற்கான சிறந்த திரைப்படத்துக்கான தமிழக அரசின் திரைப்பட விருது - மூன்றாவது இடம்

• யூடியூபில் - இளமை ஊஞ்சலாடுகிறது திரைப்படம்
• இணையதள திரைப்பட தரவுத்தளத்தில் -இளமை ஊஞ்சலாடுகிறது