களவளாவல் ஏமாற்றுகை

களவளாவல் ஏமாற்றுகை (Dating abuse) அல்லது களவளாவல் வன்முறை (dating violence) என்பது களவளாவல் அல்லது காதலிக்கும்போது திருமணமாகாத இணையரில் ஒருவரால் மற்றவருக்கு நிகழ்த்தப்படும் அல்லது அச்சுறுத்தப்படும் வன்முறை செயலாகும். ஒருவர் மற்றவர் மீது நிந்தித்தல்/வன்முறை மூலம் தனது செல்வாக்கை நிலைநாட்டுவதும் ஆகும். இந்த நிந்தனை/வன்முறை பல வடிவங்களில் இருக்கலாம். பாலியல் வன்முறை, பாலியல் தொந்தரவு, அச்சுறுத்தல்கள், உடல்ரீதியான வன்முறை, திட்டுச்சொற்கள், உளவியல் வன்முறை, அல்லது உணர்ச்சிபூர்வ நெருக்குதல்கள், சமூகநிலை குலைப்பு, மற்றும் எங்கும் பின்தொடரல்.^[1]

களவளாவல் வன்முறை அனைத்து நிற, வயது, பொருளியல்நிலை சமூகங்களிலும் நடைபெறுகின்றது. தொடர்பாடலில் நிந்தனை விழிப்புணர்விற்கான மையம் இதனை "முற்கால அல்லது தற்கால நெருங்கிய கூட்டாளியிடம் அதிகாரத்தையும் கட்டுப்பாட்டையும் நிலைநிறுத்த பயன்படுத்தப்படும் ஏமாற்று, வலுக்கட்டாய நடத்தைகள்" என்கின்றது.^[2] களவளாவல் வன்முறையின் அறிகுறிகளை சிங்கப்பூரின் குடும்பம் & சமூகம் வளர்ச்சிக் குழுமத்தின் இசிட்டிசன் விவரிக்கிறது.