சா. சி. சிவசங்கர்

மாண்புமிகு சா.சி. சிவசங்கர்
தமிழ்நாடு போக்குவரத்துத் துறை அமைச்சர்
பதவியில் உள்ளார்
பதவியில் 29 மார்ச் 2022
முன்னையவர்	இராஜ கண்ணப்பன்
தமிழ்நாடு பிற்படுத்தப்பட்டோர் நலத்துறை அமைச்சர்
பதவியில் 7 மே 2021 – 29 மார்ச் 2022
முன்னையவர்	சீ. வளர்மதி
பின்னவர்	இராஜ கண்ணப்பன்
தமிழ்நாடு சட்டப் பேரவை உறுப்பினர்
பதவியில் உள்ளார்
பதவியில் 11 மே 2021
முன்னையவர்	ஆர். டி. ராமச்சந்திரன்
தொகுதி	குன்னம்
பதவியில் 23 மே 2011 – 24 மே 2016
முன்னையவர்	தொகுதி உருவாக்கம்
பின்னவர்	ஆர். டி. ராமச்சந்திரன்
தொகுதி	குன்னம்
பதவியில் 17 மே 2006 – 22 மே 2011
முன்னையவர்	செ. குரு
பின்னவர்	இல்லை (ஜெயங்கொண்டம், குன்னம் ஆகியவற்றுடன் தொகுதி இணையப்பெற்றது)
தொகுதி	ஆண்டிமடம்
தனிப்பட்ட விவரங்கள்
பிறப்பு	24 மார்ச்சு 1969 (1969-03-24) (அகவை 56) தேவனூர், பிரிக்கப்படாத திருச்சிராப்பள்ளி மாவட்டம் (தற்போது அரியலூர் மாவட்டம்), தமிழ்நாடு, இந்தியா
அரசியல் கட்சி	திராவிட முன்னேற்றக் கழகம் (1993- தற்போது வரை)
துணைவர்	காயத்ரிதேவி
உறவுகள்	எஸ்.எஸ். சிவக்குமார்
பிள்ளைகள்	சிவசரண் சிவசூர்யா
பெற்றோர்	சிவராஜேஸ்வரி (தாய்) சா. சிவசுப்பிரமணியன் (தந்தை)
முன்னாள் மாணவர்	அண்ணாமலைப் பல்கலைக்கழகம்
பணி	அரசியலர் எழுத்தாளர்
இணையத்தளம்	http://sssivasankar.blogspot.com/ http://ss-sivasankar.blogspot.com/

சா. சி. சிவசங்கர் (S. S. Sivasankar) ஒரு தமிழ்நாட்டு அரசியல்வாதியும் எழுத்தாளரும் ஆவார். திராவிட முன்னேற்றக் கழக உறுப்பினரான இவர், ஆண்டிமடம் (2006-11)^[1], குன்னம் (2011-16; 2021-)^[2] ஆகிய தொகுதிகளுக்கான தமிழ்நாடு சட்டப் பேரவை உறுப்பினராகப் பணியாற்றியுள்ளார். சிவசங்கர் தற்போதைய தமிழ்நாடு அமைச்சரவையில் போக்குவரத்து, மின்துறை அமைச்சராகப் பணியாற்றிவருகிறார். இவர் மக்களுடன் என் அனுபவங்கள் (2015), சோழன் ராஜா ப்ராப்தி (2019), "தோழர்" சோழன் (2019) ஆகிய நூல்களை எழுதியுள்ளார்.

அரியலூர் மாவட்டம் ஆண்டிமடம் அருகேயுள்ள தேவனூரில் 24 மார்ச் 1969 அன்று பிறந்தார் சிவசங்கர். இவரது தந்தை சா. சிவசுப்பிரமணியன் தாயார் பெயர் சிவராஜேசுவரி ஆவார். ஆண்டிமடம் அரசுப் பள்ளியில், பள்ளிக் கல்வியினைப் பயின்றபின் சிதம்பரம் அண்ணாமலைப் பல்கலைக்கழகத்தில் மின்னியல் மற்றும் மின்னணுவியல் துறையில் இளநிலைப் பொறியியல் பயின்றார் சிவசங்கர். 1991ஆம் ஆண்டு பட்டம் பெற்றபின் 1993 வரை பெங்களூரில் தனியார் நிறுவனம் ஒன்றில் ஊழியராகப் பணியாற்றினார்.^[3]

1978ஆம் ஆண்டு திசம்பரில் திருச்சிராப்பள்ளியில் திமுக நடத்திய இந்தி எதிர்ப்பு மாநாட்டில் கலந்துகொண்டார் சிவசங்கர்.^[3][4] 1993-ல் முழு நேர அரசியலில் நுழைந்தார். 1999ஆம் ஆண்டு ஆண்டிமடம் ஒன்றிய திமுக செயலாளராகத் தேர்வானார். 2001-ல் தனியாகப் பிரிக்கப்பட்ட அரியலூர் மாவட்டத்தின் செயலாளராக நியமிக்கப்பட்டார். இதன்பிறகு கட்சி அளவில் பெரம்பலூர் மாவட்டத்துடன் அரியலூர் இணைக்கப்பட்டதால், ஆண்டிமடம் ஒன்றியச் செயலாளராக தொடர்ந்தார்.^[3] தற்போது மீண்டும் அரியலூர் மாவட்டச் செயலாளராகப் பணியாற்றி வருகிறார்.

பெரம்பலூர் மாவட்ட ஊராட்சி துணைத் தலைவராக 1996 முதல் 2001 வரையிலும், பின் அரியலூர் மாவட்ட ஊராட்சிக்குழு உறுப்பினராக 2001 முதல் 2006 வரையிலும் பணியாற்றினார்.^[5]

2006 சட்டமன்றத் தேர்தலில் ஆண்டிமடத்தில் போட்டியிட்டு வென்றார். 2011 சட்டமன்றத் தேர்தலில் குன்னம் சட்டமன்றத் தொகுதியில் போட்டியிட்டு வென்றார்.

2016 சட்டமன்றத் தேர்தலில் அரியலூர் தொகுதியில் போட்டியிட்டு குறைந்த வாக்குகள் வேறுபாட்டில் வெற்றியை இழந்தார். 2021 சட்டமன்றத் தேர்தலில் மீண்டும் குன்னம் தொகுதியில் போட்டியிட்டு வென்றார்.

2021 தேர்தலில் திமுக கூட்டணி வென்றதைத் தொடர்ந்து மு. க. ஸ்டாலின் தலைமையிலான அமைச்சரவையில் மே 2021 முதல் மார்ச் 2022 வரை பிற்படுத்தப்பட்டோர் நலத்துறை (பிற்படுத்தப்பட்டோர் நலன், மிகவும் பிற்படுத்தப்பட்டோர் நலன் மற்றும் சீர்மரபினர்) அமைச்சராகப் பணியாற்றினார். பின்னர் அமைச்சரவை மார்ச் 2022-ல் மாற்றியமைக்கப்பட்டபோது போக்குவரத்து துறை அமைச்சராகப் பொறுப்பேற்றார்.

கல்லூரிக் காலத்திலேயே புகைப்படம் எடுப்பதில் மிகவும் ஆர்வம் கொண்டவராக இருந்த சிவசங்கர், புகைப்படவியலாளர் சங்க செயலாளராக இருந்துள்ளார். பெரம்பலூர் மாவட்ட தடகள சங்க உறுப்பினராகவும், தமிழ்நாடு சிலம்பம் சம்மேளனத் தலைவராகவும் இருந்துள்ளார் .

சிவசங்கரின் வசிப்பிடம் அரியலூர் ராஜாஜி நகர் ஆகும். இவர் இணையரான மருத்துவர் காயத்ரிதேவி, தஞ்சாவூர் மாவட்டம் பாபநாசத்தைச் சேர்ந்தவர்.^[8] இவ்விணையருக்கு சிவசரண், சிவசூர்யா என்ற மகன்கள் உள்ளனர்.^[9]

• சிவசங்கர்
• சிவசங்கர்.எஸ்.எஸ்