சியாரத் மாவட்டம்

சியாரத் மாவட்டம் ضلع زیارت
மாவட்டம்
மேல்:சியாரத் நகர உண்வு விடுதி கீழ்: சியாரத் பள்ளத்தாக்கு
பாக்கித்தான் நாட்டின் பலூசிஸ்தான் மாகாணத்தில் சியாரத் மாவட்டத்தின் அமைவிடம்
நாடு	பாக்கித்தான்
மாகாணம்	பலூசிஸ்தான்
கோட்டம்	சிபி
நிறுவிய ஆண்டு	சூலை 1986
தலைமையிடம்	சியாரத்
அரசு
• வகை	மாவட்டம் (துணை ஆணையாளர்)
பரப்பளவு [1]
• மாவட்டம்	3,301 km2 (1,275 sq mi)
மக்கள்தொகை  (2023)[2]
• மாவட்டம்	1,89,535
• அடர்த்தி	57/km2 (150/sq mi)
• நகர்ப்புறம்	49,402 (26.06%)
• நாட்டுப்புறம்	1,40,133 (73.94%)
சராசரி எழுத்தறிவு [3]
• எழுத்தறிவு	மொத்தம்: (43.37%) ஆண்: (53.06%) பெண்: (33.49%)
நேர வலயம்	ஒசநே+5 (பாகிஸ்தான் சீர் நேரம்)
வருவாய் வட்டங்கள்	2 [4]
இணையதளம்	ziarat

சியாரத் மாவட்டம் (Ziarat District), பாக்கித்தான் நாட்டில் உள்ள பலூசிஸ்தான் மாகாணத்தின் 37 மாவட்டங்களில் ஒன்றாகும். இதன் நிர்வாகத் தலைமையிடம் சியாரத் நகரம், கடல் மட்டத்திலிருந்து 2400 மீட்டர் உயரத்தில் உள்ளது. சியாரத் நகரம், மாகாணத் தலைநகரான குவெட்டாவிற்கு வடகிழக்கே 125 கிலோமீட்டர் தொலைவிலும்; நாட்டின் தலைநகரான இசுலாமாபாத்துக்கு தென்மேற்கே 822 கிலோமீட்டர் தொலைவிலும் உள்ளது.

சியாரத் மாவட்டத்தின் வடக்கில் லோராலை மாவட்டம், கிழக்கில் தூகி மாவட்டம், தெற்கில் ஹர்னாய் மாவட்டம் மற்றும் மேற்கில் கரேசாத் மாவட்டம் எல்லைகளாக உள்ளது.

இம்மாவட்டம் 2 வருவாய் வட்டங்களையும், 10 ஒன்றியக் குழுக்களையும் கொண்டது.

2023 பாக்கித்தான் மக்கள்தொகை கணக்கெடுப்பின்படி 22,894 குடியிருப்புகள் கொண்ட சியாரத் மாவட்ட மக்கள் தொகை 1,89,535 . பாலின விகிதம் 100 பெண்களுக்கு 103.02ஆண்கள் வீதம் உள்ளனர். சராசரி எழுத்தறிவு 43.37% ஆகும். ^[2][7]10 வயதிற்குட்பட்ட குழந்தைகள் 78,905 (41.63%) ஆக உள்ளனர்.^[8] நகர்புறங்களில் 49,402 (26.06%) மக்கள் வாழ்கின்றனர்^[2]

இதன் பெரும்பான்மை சமயம் இசுலாம் 99.64% ஆகும். இதன் மக்கள் தொகையில் 0.36% சமயச் சிறுபான்மையோர்களான் இந்து & கிறித்தவர்கள் உள்ளனர்.^[9]

இம்மாவட்டத்தில் 98.85% மக்கள் பஷ்தூ மொழி பேசுகின்றனர்.^[10]